Charter Document - 02161783
| Charter Number: | 02161783 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0988 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sacrosancto et venerabili loco Cluniaco in honore beatorum apostolorum Petri et Pauli dicato quem domnus abba Maiolus ad regendum Deo jubente suscepit ego Artaldus dono vineam unam que est sita in pago Augustudunensi in villa Monte Malardo in agro Vicomasaon terminaturque ex duabus partibus via publica tertia parte terra Sancte Marie et Sancti Petri de quarta parte ecclesia ipsius loci et faciant seniores Clunienses quicquid voluerint Quod si aliquis repetere voluerit non valeat explere quod cupit sed coactus judiciaria potestate auri libras II componat et inantea firma et stabilis permaneat hec carta stipulatione subnixa Actum Cluniaco publice S Artaldi qui fieri et firmare rogavit S Rotberti S Leotaldi S Narduini S Lantberti S Bernardi S Girbaldi S Senaldi S Hugonis Joslenus scripsit mense martii anno I Hugonis regis