Charter Document - 02161744
| Charter Number: | 02161744 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0987 - 0988 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Omnis homo quamdiu in salo presentis evi agonizat omni nisu summaque industria elaborare debet quatinus ex reditibus suis eterna premia mercetur Unde ego Evrardus levita enormitatem meorum reminiscens peccaminum dono Deo et sanctis apostolis Petro et Paulo et ad locum Cluniacum aliquid de rebus meis que sunt site in pago Maticensi in villa Carniaco in agro Salorniaco hoc est curtilum unum indominicatum cum terris pratis silvis et quicquid ad ipsum curtilum aspicit et quantum in ipsa villa habeo faciantque post hunc diem quicquid facere voluerint Et dono in alio loco in comitatu Lugdunensi in villa Soliniaco duas colonias cum servis his nominibus Wido et Aldoeno cum uxoribus eorum et filiis cum omnibus pertinenciis hoc sunt campis pratis silvis vineis Et dono in ipso comitatu in villa Curtis mansum indominicatum cum servo nomine Ramerio et quidquid ad ipsum mansum aspicit hoc est terris pratis silvis pascuis aquis aquarumque decursibus quesitum et ad inquirendum ea tamen racione ut quamdiu vixero teneam et possideam et post meum discessum ad jam dictum locum perveniat in vestitura vero omnibus annis festivitate apostolorum principis XII denarios in censu exolvat Hanc autem donationem primitus facio pro anima mea et patris mei Adalardi et matris mee Flavie et fratris mei Rocleni et pro salute parentum meorum et omnium fidelium defunctorum ut omnibus in commune proficiat Obsecro autem et contestor ut de his rebus nullus homo habeat potestatem nec in beneficium dare aut scamium facere sed omni tempore in almoniam fratrum permaneat Si quis autem contra hanc donationem aliquam calumpniam inferre temptaverit primitus iram Omnipotentis sanctorumque omnium offensam incurrat et nisi resipuerit cum diabolo in inferno trudatur cogente vero judiciaria potestate auri libras XII exolvat et inantea firma et stabilis permaneat stipulatione subnixa Actum Cluniaco publice S Evrardi qui fieri et firmare rogavit S Bernardi S Grimardi S Witgerii S Teodrici S Widoni Data per manum Aldebaldi regnante Hugone anno primo