Charter Document - 02161732
| Charter Number: | 02161732 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0987 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Divina providente clementia hominibus concessum est ut ex reditibus quas jure hereditario possident si eas juste dispertiant eterna valeant premia promereri Quapropter ego Raimbertus sacerdos dono Deo et sanctis apostolis ejus Petro et Paulo et ad locum Cluniacum aliquid ex rebus meis que sunt site in pago Matisconense in villa Carsiniaco in agro Ciciacense hoc est campum unum et unam vineam qui campus terminat a mane terra Udulardi a medio die rivo percurrente a sero heredibus Lamberti a cercio de ipsa hereditate vinea autem supra nominata habet terminationes a mane rivo percurrente a medio die vinea Udulardi de ipsa hereditate a sero via publica a cercio ad heredibus Lamberti Infra istas terminaciones quicquid ad meam partem adveniunt totum dono Deo et sanctis apostolis ejus et ad locum supra nominatum pro remedium anime mee et parentum meorum et in locum sepulture In tali autem tenore facio hanc donationem ut quamdiu vixero usum et fructum [habeam] et post meum discessum ad jam denominatum locum he res jam prelibate sine ullo contradicente perveniant et in vestitura quatuor sextarios omni anno persolvat Si quis autem hanc donationem calumniare voluerit non valeat vindicare quod repetit sed coactus judiciaria potestate auri libras III persolvat et post hec ista donatio stabilis et firma permaneat stipulatione subnixa S Raimberti sacerdotis qui hanc donationem fecit et firmare rogavit S Dodonis sacerdotis S Utulardi S iterum Utulardi presbiteri S Rotberti S Ermandranni S Martini S Aremberti Data in mense octobri Joslenus ad vicem cancellarii rogatus scripsit anno primo regnante rege Hugone