Charter Document - 02151702
| Charter Number: | 02151702 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0984 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
In omnibus utique rebus et precipue certis in distinctionibus tam preclara sunt inserenda judicia ne obscuritate vilescant sed fidis undecunque comprobentur testificationibus Proinde non ignorent tam presentes quamque futuri qualiter domnus Aalongus venerabilis memorie Luxoviensis cenobii abbas cum consensu eorundem inibi degentium fratrum vice concambii concedit ad locum Cluniacum quandam terram in pago Matisconensi sitam in villa Sulistriaco et Davaiaco scilicet omnem illam terram que Sancto Petro evenit de jam dicto monasterio Luxoviensi hoc sunt campi vinee silve prati vir caree aque quesitum et ad inquirendum totum ad integrum cultum et incultum cum omnibus appenditiis suis et servos et ancillas cum filiis ac filiabus Interea etiam domnus ac venerabilis pater Maiolus et fratres qui sub ejus degunt regimine reciproca vicissitudine donant ad locum Luxovium quandam terram que jacet in comitatu Matisconensi ac in villa Siniciaco hoc est omnem allodium quem inibi Sanctus Petrus et Paulus habent in presenti tempore concedit ad supradictum locum scilicet Luxovium campos vineas prata silvas aquas vercherias quesitum simul et ad inquirendum totum ad integrum et servos utriusque sexus excepto ecclesiam Sancti Desiderii cum cimiterio et suis decimis in villa etiam Sanctiaco donat unam vineam quam Temquardus olim Sancto Petro contulerat in Flatiaco autem donat tres vineas et unum campum de ratione Sancti Johannis Baptiste Has ergo res denominatas prefatus pater et fratres Cluniacenses ad jam denominatum concedunt locum in loco scamii ut ab hac die tam Luxovienses fratres quam etiam Cluniacenses de his rebus que unicuique evenit ex utroque latere faciant pro voto ita tenendi vel reciprocandi Et ut hoc decretum seu scamium ab ipso patre factum in posterum inconvulsum permaneat manu propria subter firmavit ac fratribus corroborari jussit S Aalongi venerandi abbatis S Girardi et Ruinoldi et Odonis et Constantini et Rainaldi et Milonis et Vualdonis et Johannis et Grimaldi et Ebbonis et David et Alberici et Vodilonis et Witberti et Landrici et Hunoldi et Reginelmi et Wicfridi et Bernardi et Warini et Ruotberti et Angilberti et Harduini Data per manum Raginelmi in mense octobri anno XXX regnante Lothario Francorum rege