Charter Document - 02151697
| Charter Number: | 02151697 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0984 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sacrosancto et exorabili loco in honore Dei et sanctorum apostolorum Petri et Pauli dicato cui domnus Maiolus abbas preesse dinoscitur qui etiam nuncupatur Cluniacus Ego Gerbaldus et uxor mea Christiana donamus Deo et predictis ejus apostolis et ad jam dictum locum Cluniacum aliquid ex rebus nostris que sunt in pago Matisconensi in agro Ponziaco in villa Buciaco in loco qui dicitur Vallis videlicet quicquid inibi habemus campis scilicet vineis pratis curtilis vircariis totum usque ad inquirendum terminantur vero he res a mane via publica a medio die terra Heldeberti a sero terra Gerbaldi a cercio terra Duranni Infra istas terminationes donamus ut dictum est has res pro remedio animarum nostrarum sive patris ac matris mee vel omnium parentum meorum ea itaque ratione ut quamdiu ego solus Gerbaldus advixero teneam et possideam et infra ipso termino duas rascias de vinea in vestitura rectores Sancti Petri habeant Si quis hanc donationem calumniare voluerit non valeat vindicare quod repetit sed coactus auri libras duas persolvat carta vero ista firma ac stabilis omni tempore permaneat stipulatione subnixa Actum Cabineas publice S Gerbaldi qui fieri et firmare rogavit Signum Isembardi et Constantini et Eldrici et Duranni et item Duranni [et Vendranni] et Constantii et Christiane et Martini Data per manum Bernardi regnante Lothario rege anno XXX Bernardus presbiter dominico die in mense julio scripsit