Charter Document - 02151687
| Charter Number: | 02151687 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0984 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Dominus ac Salvator noster salutem humani generis desiderans jubet ut quandiu vivimus piis et bonis operibus jugiter insistamus et de his que jure possidemus non moremur elemosine operam dare Quapropter noverint universi fideles quod ego Heilaria uxor Rotberti dono Deo et sanctis apostolis ejus Petro et Paulo ad locum Cluniacum aliquid ex rebus prefati Rotberti pro remedio anime ejus videlicet unum curtile cum terra et pratis in pago Augustudunensi in agro Mediolanensi in villa Terviacho et quicquid in ipsa villa visi sumus habere cultum et incultum quesitum et ad inquirendum totum ad integrum et faciant habitatores supradicti loci quicquid facere voluerint Si quis vero hanc donationem calumniare voluerit non valeat vindicare quod repetit sed coactus auri libras III persolvat et inantea firma et stabilis permaneat stipulatione subnixa Actum Cluniaco publice S Heilarie que donavit et ipsa firmavit S Emme S Rannaldi S Stephani S Arlei S alii Arlei S Hildegarii S Josberti S Gisonis S Sofredi Data mense maio anno XXX Lotharii regis Warnerius scripsit