Charter Document - 02151643

Charter Document - 02151643


Charter Number: 02151643
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Lay
Charter Type(s): Grant
Date: 0983
Date type: Internal, Regnal
Resource Link(s): CCE: cartae cluniacenses electronicae

Charter:

Divina providente clementia hominibus concessum est ut ex reditibus quos jure possident si eos digne dispertiant ut expedit eternam et inconcussam mercedem valeant promereri Quapropter ego Scelestus et filius meus Josfredus donamus Deo et sanctis apostolis ejus Petro et Paulo ad locum Cluniacum aliquid ex rebus nostris que sunt site in pago Augustidunensi in villa Molneto hoc est ipsam villam cum campis pratis silvis vidiriariis farinariis curtilis cum suprapositis exitibus et regressibus cultum et incultum quesitum et inquirendum totum ad integrum excepto uno curtilo ubi Amblardus residet et pratum quem ego Josfredus ad usum tantum vite mee reservo et post meum discessum ad locum denominatum perveniat Item alium curtilum emittimus foras cum duobus parvulis molendinis ubi Almabertus residet ut faciat de his rebus quicquid facere voluerit terminantur vero hec res supra denominate a mane terra francorum a medio die terra Sancti Petri et terra francorum a sero et a cercio vie publice Infra istas terminationes donamus Deo pro remedio animarum nostrarum atque omnium parentum nostrorum et omnium fidelium christianorum ut faciant rectores Sancti Petri de his rebus post hac die in omnibus quicquid facere voluerint Si quis autem hanc donationis chartam scindere voluerit non valeat vindicare quod repetit sed coactus potestate auri libras III persolvat et inantea firma et stabilis permaneat cum stipulatione subnixa Actum Cluniaci publice S Celesti et Josfredi filii ejus qui fieri et firmare rogaverunt S Ramnaldi S Achardi Rotberti Renconis S Uberti Data mense decembrio regnante Lothario anno XXX Aldebaldus ad vicem cancellarii scripsit