Charter Document - 02151628
| Charter Number: | 02151628 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0983 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
In nomine Verbi incarnati ipsiusque numine piissimo Walterius sedis Eduensis humilis episcopus cunctis sancte Dei ecclesie fidelibus tam presentibus quam futuris cunctis catholice fidei cultu rimantibus presentibus necne futuris innotescere desideramus quod adierunt nostram presentiam monachi de Cluniaco Torincus scilicet Walterius Eldebertus Teodericusque levita humili deprecatu exposcentes quatinus augere nobis placeret ad substantiam relevandam cotidianorum victuum ex rebus nostre dioceseos Nos vero perscrutantes subtili indagatione peticiones eorum agnovimus eos deprecari pro quadam ecclesia que est sita in comitatu Augustidunensi constructa in villa nuncupata Montemelardi dicata in honore sancte Marie et in alio loco in villa que dicitur Vallis similiter Sancte Marie item in alio loco in villa que dicitur Tyrviaco aliud est altare in honore sancti Germani consecratum ubi predicti monachi in obedientia cotidie assistunt scilicet ut eis decimas consentiremus ad sustentandos suorum cotidianos victus Igitur quia favente Cunctipotentis maxima miseratione ipsius loci caterva antiqua adhuc floret nobilitate et cultum sancte religionis digne retinere prospicitur nec nostris ea temporibus minuari cupimus decreto nostre auctoritatis ob honorem ipsius loci damus predictarum decimas ecclesiarum ut omni tempore in usus monachorum prefati loci sint dedite et morientibus presbiteris successores nostri nullum servitium perscrutentur sed quod timoris Dei causa agimus inconvulsum manere faciant ut qui decreti hujus custos extiterit elemosine quoque particeps inveniatur qui autem destruere temptaverit cum anathematibus portionem suam manere sentiat Ut autem hoc nostre institutionis testamentum pleniorem in Dei nomine obtineat firmitatem manu propria illud firmavimus et nostrorum fidelium clericos et laicos subter insigniri jussimus Actum Augustiduni feliciter in Domino S Walterii episcopi S Walterii prepositi Elinardi Vuibaldi Abonis Ansisi Tetberti Henrici Wichardi Bernardi Enrici Witberti Ego Flavardus sacerdos scripsi ad vicem Rodulfi diaconi mense februario anno XXVIIII regnante Lothario rege