Charter Document - 02151626
| Charter Number: | 02151626 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0982 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
In Christi nomine Ego Ansaldus et uxor mea Rotrudis donamus Deo et sanctis apostolis ejus Petro et Paulo Cluniensis monasterii cui domnus Maiolus venerandus abba preesse videtur aliquid de rebus nostris in comitatu Matisconensi in agro Marciacensi in villa Oblato residet hoc est vinea que terminat a mane et a medio die terra Tetbodi a sero de ipsa hereditate a circio Sancte Marie et habet in longum perticas XV in latum XI Infra isto terminio unam medietatem donamus et similiter campum in ipsa villa terminat a mane terra Tedbodi de uno latere Sancti Martini de alio latere de ipsa hereditate de una fronte petra nativa habet in latum perticas II et pedes VI in longum quantum tenebat Infra isto terminio totum et alium campum in ipso loco terminat de tribus partibus terra de ipsa hereditate a circio Sancte Marie Infra isto terminio perticas VI michi reservo aliud vero totum ad integrum donamus in locum sepulture et pro remedio genitoris et genitricis nostre in tali tenore dummodo vivimus usum et fructum habeamus et post nostrum amborum discessum ad locum supradictum perveniat et in unoquoque anno sextarios de vino IIII persolvamus Actum Lurdono castello S Ansaldis et uxoris ejus Rotrudis qui donationem hanc fecerunt et firmari rogaverunt S Bernulfi Acardi Bladini Eldrici Natalis Gundoldrici Leotardi Girbaldus scripsit anno XXVIIII regnante Hugone rege