Charter Document - 02151611
| Charter Number: | 02151611 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0982 |
| Date type: | Internal, Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Dominus hac redemptor humani generis desiderans salutem fidelium suorum ammonet per suam veridicam vocem ita inquiens Facite vobis amicos de Mamona iniquitatis ut cum defeceritis recipiant vos in eterna tabernacula itemque Date elemosinam et ecce omnia munda sunt vobis Quapropter ego Rodbertus sacerdos dono Deo et sanctis apostolis ejus Petro et Paulo monasterio Cluniacho aliquid ex rebus hereditatis mee pro remedium anime mee remissionemque meorum pecaminum seu avunculi mei Natali ceterorumque meorum parentum hoc est terram que adjacet in pago Matisconense in villa que vocatur ad Luviniacum in agro Griviliacense quicquid in illis villis habere visus sum totum ad integrum trado ad supra denominatum locum hoc est terris vineis pratis silvis pascuis molendinis et quicquid in his villis habere video totum exquisitum et ad inquirendum dono faciantque jam dicti loci rectores ab hodie et deinceps de ipsis rebus quicquid facere voluerint Si quis autem huic donacioni aliquam calumniam movere voluerit aut ex parentibus meis vel heredibus primitus iram incurrat omnipotentis Dei et sanctorum omnium et coactus vi potestatis auri persolvat libras IIII et postea hec donacio fixa stabilisque permaneat stipulacione subnixa Signum Rodberti qui hanc donationem fecit firmarique rogavit S Adalardi S Teudulfi S Duranni Data mense maio regnante rege Hlothario anno XXVIII Joslenus vice cancellarii rogatus scripsit