Charter Document - 02151538
| Charter Number: | 02151538 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0980 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Salvatoris clementia hoc genus remedii provisum est fidelibus ut ex rebus quas jure possident si eas ut dignum est in elemosina pro sue anime remedio disperti erint Christi pauperibus eterna valeat sine dubio merces adipisci Quapropter ego Vuido hec volens adquirere dono Deo et sanctis apostolis ejus Petro et Paulo et ad locum Cluniensis monasterii aliquid ex rebus proprietatis mee que sunt site in pago Matisconensi et in villis his nominibus Fabricas Burgundia Tisiaco quicquid in ipsis visus sum habere unam medietatem campis videlicet et curtiferis vircariis vineis pratis silvis aquis aquarumque decursibus molendinum etiam totum ad integrum illam etiam partem quam habeo in capella Sancti Victoris silvam etiam dono que est in Proelingas villa Hec omnia denominata et quicquid ad ipsam hereditatem aspicit vel aspicere videtur ubicumque fuerint vel con jacuerint dono pro anime mee remedio ac parentum meorum et in locum mee sepulture eo etiam tenore hoc facio ut quamdiu vixero usu fructuario teneam et singulis annis in vestitura IIII sextarios de vino persolvam post discessum vero meum he res ad jam dictum locum perveniant Si quis autem hanc donationem a me libentissime factam calumniare vel scindere voluerit primitus iram Dei omnipotentis sanctorumque omnium incurrat et nisi emendaverit in baratro dampnationis inferni se sciat esse damnandum coactus etiam potestate judiciaria cui litem intulerit auri libras III persolvat et inantea firma et stabilis permaneat stipulatione subnixa Actum Cluniaco monasterio publice S Vuidonis qui fieri et firmare rogavit S Guzeranni S Rotrudis S Teudberti S Huulardi S Rodeni S Vuinebaldi S Ramnaldi S Girberti Data mense decembrio anno XXVII Hlotharii regis Rothardus ad vicem cancellarii recognovit