Charter Document - 02151530
| Charter Number: | 02151530 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0980 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Dominus ac Salvator humani generis pernoscens quam sit caduca ac fragilis humana natura ammonet per suam veridicam vocem ita inquiens Date elemosinam et ecce omnia munda sunt vobis et Facite vobis amicos de Mammona iniquitatis ut cum defeceritis recipiant vos in eterna tabernacula Unde ego Adalbertus sacerdos hujus rei gratiam perpendens simulque toto animi desiderio adimplere desiderans dono Deo et sanctis apostolis ejus Petro et Paulo et ad locum cenobii Cluniensis res meas que sunt site in pago Matisconensi in agro Ygiacensi ac in villa Verciaco hoc est mansum unum cum curtilo cum omnibus appenditiis suis campis scilicet vineis pratis silvis aquis pascuis exitibus et regressibus cultum et incultum quesitum et inquirendum preter campum unum et vinea simul tenente que vocatur Rodgiolus et tres petiolas de prato quos in Valeria vocant et campum unum que vocatur Crantia istas res mihi reservo Et dono etiam silvas quam de Ardrado adquisivi in villa que vocitatur Vercesotis Eo etiam tenore facio ut quamdiu advixero teneam et possideam et singulis annis in vestitura XII denarios persolvam et post meum dicessum he res absque ulla dilatione ad Cluniacum cenobium perveniant Si quis autem quod minime evenire credo ego ipse [quod absit] aut ulla intromissa persona contra hanc donationis cartam aliquam calumniam vel etiam in suos usus vindicare voluerit primitus iram omnipotentis Dei incurrat ac sanctorum apostolorum Petri et Pauli sitque pars ejus cum Juda traditore Domini et cum his qui dixerunt Domino Deo Recede a nobis nisi ab hac sua stultitia emendaverit deinde potestate cogente auri libras IIII persolvat et inantea omni tempore hec donatio firma et stabilis permaneat stipulatione subnixa Actum Cluniaco monasterio publice S Adalberti [presbiteri] qui fieri et firmare rogavit S Atalberti S Rainfredi S item alio Rainfredo S Dominico S Giroldo S Bernardi S Goolber S Lanboldi S Otbranni S Rainoldi Data mense julio anno XXVI Hlotharii regis Achedeus ad vicem cancellarii rogatus scripsit