Charter Document - 02151529
| Charter Number: | 02151529 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0980 |
| Date type: | Internal, Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
In Dei nomine Maiolus Cluniensis cenobii humilis abba una cum assensu fratrum nostrorum notum fieri volumus universis sancte Dei ecclesie fidelibus tam presentibus quam etiam futuris quod quidam noster fidelis presbiter nomine Adalbertus nos postulando adiit quatinus quiddam ex rebus ecclesie nobis commisse pertinens ei concederemus Cujus petitionibus assentientes concedimus ei ecclesiam que est consecrata in honore sancti Saturni et est sita in pago Matisconensi cum omnibus decimis sibi pertinentibus et oblationibus sepulturam etiam et oblationes et cellarios et quicquid ex ipsa ecclesia exierit et hoc solummodo concedimus tempore vite sue Econtra autem donat supranominatus presbiter Adalbertus partibus sanctorum apostolorum Petri et Pauli quasdam res sue proprietatis id est curtilum unum cum vinea et mansione simul tenente qui est in pago Matisconensi in agro Ibgiacensi in villa Virziacensi terminat a mane et a medio die via publica et terra Rainfredi a sero Amalberti a cercio Ermenberti Donat etiam in ipsa villa campos quatuor primus campus terminatur a mane via publica a medio die Leudbaldi a sero via publica a cercio Sancti Mammadi secundus campus terminatur a mane via publica a medio die Sancti Clementis a sero Sancti Desiderii a cercio similiter tertius campus terminatur a mane terra Leudbaldi a medio die Sancti Martini a sero et a cercio Sancti Vincencii quartus campus terminatur a mane terra Sancti Vincencii a medio die reo volvente a sero via vicinabilis a cercio Sancti Martini Infra istas terminationes totum ad integrum donat predictus presbiter Adalbertus a die presenti excepto medietatem vinee que concluditur in terminio suprascripto quam sibi reservat usu fructuario post finem vero vite sue ad jam dictum locum in melius restaurata perveniat ipsa medietas absque ulla contradictione et hoc ergo pacto facit ut ipsam vineam et ipsos campos in servitio fratrum operetur et laboret sicuti aliquis homo externus Si quis vero successorum nostrorum hanc cartam calumniare voluerit nullatenus eorum conatus obtineat vigorem Ut autem hec carta firmior habeatur eam manu nostra roboravimus et manibus fratrum nostrorum firmare jussimus S Atalberti presbiteri qui fierent et firmare rogavit S Rainfredi S Ingelerii S Grimaldi S Giroldi S Adalberti S Goolberti S Lanbaldi S Constabuli S Aveloni S Otberti S Bernuini S Bernardi S Johannis S Achini S Otbranni Data per manum Rothardi mense junio anno XXVI Hlotharii regis