Charter Document - 02151508
| Charter Number: | 02151508 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 0979 - 0994 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Omnibus sub norma fidei militantibus fidemque que in Domino Jesu est piis mentibus probis actibus venustis operibus exornantibus patribus scilicet verendis matribusque Deo dilectis et cunctis in commune sancte matris ecclesie filiis Maiolus superna clementia Cluniensis cenobii pastor egregius et hic feliciora felicibus et post depositum hoc corruptibile onus sedes lucidissimas in etheriis arcibus Omne quod sapientum judicio in hoc evo geritur quidquid consilio universali decernitur quidquid ad notitiam succedentium litteris inditur tanto debetur circumspectionis oculo provideri tantumque firmamenti consequi ut nulla succedentium astucia hoc valeat abolere nulla malignitate obfuscare sed semel decretum atque statutum firmum possit manere per evum Hac itaque ratione quelibet patrata examussim cuncta redigentur ad unguem perpetuumque custodita servabunt tenorem Ut igitur ad subsequentia veniamus noveritis quia sancte recordationis Burchardus Lugdunensis ecclesie presul fedus voluit inire nobiscum et cum monachis nostris Deo nobiscum militantibus et conventionem habuit ut si ei de terra beati Petri apostoli aliquid largiremur ad usum tantum vite ejus nobis adjutor et defensor existeret suis omnibus diebus et custos et advocatus spesque fidissima ex omnibus rebus quas in Viennensi pago habemus Petit autem hoc non ut eam beato Petro subtrahat sed ut meliorata ea ipsi quandoque restituat atque a perversorum dominatu eripiat suosque in defensione ejus permanere faciat sponsorem ac testium testem invocans Christum Est autem sita terra inter Bulbulam et Karosiam In presentia domni Burchardi archiepiscopi Lugdunensis ecclesie et domni Teutbaldi Viennensis archipresulis hec littere sancite et corroborate sunt S Otmari prepositi et germani sui Arnulfi S Teoderici Anscherici Ratburgi Sigebodi S Ozelini