Charter Document - 02151494
| Charter Number: | 02151494 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0979 |
| Date type: | Internal, A.D., Calendar |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Dominus hac salvator noster fideles suos per semet ipsum dignatus est ammonere dicens Facite vobis amicos de Mamona iniquitatis ut cum defeceritis recipiant vos in eterna tabernacula et item Scriptura dicit Divitie viri redemptio anime ejus Quapropter ego Leutza et filii mei scilicet Aschericus et Boso atque Constantia uxor Ascherici donamus Deo et sanctis apostolis ejus Petro et Paulo et monachis Cluniensis monasterii ubi domnus Maiolus abbas preesse videtur pro remedio anime senioris mei Josleni et pro anima mea pro animabus quoque filiorum meorum Ascherici et Bosoni necnon et pro Constantia uxore Ascherici filii mei et pro omnibus parentibus nostris vivis et defunctis pro omnibus scilicet christianis vivis atque defunctis hoc est mansum unum qui est situs in pago Lugdunense in agro Strabiacense in villa que vocatur Asnerias totum et integrum cedimus beatis apostolis Petro et Paulo et monachis Cluniensis cenobii Deo militantibus ut post hac die jam prenominati monachi usque inexquisitum teneant et possideant id est licentiam habeant ut faciant quicquid facere voluerint scilicet habendi vendendi donandi seu liceat commutandi Et si nosmet ipsi aut aliqua admissa persona contra donationem istam aliquam calumnia inferre voluerit primitus iram Dei incurrat et ab ecclesia genitrici ejus necnon et ab illa que Dominus dedit apostolis suis Petro et Paulo sit separatus a consortio omnium quoque bonorum sit dejectus et nisi ad emendationem venerit participatio ejus sit cum Dathan et Abiron Postea autem donatio ista firma et stabilis permaneat cum stipulatione subnixa S Leutze S Ascherici filii ejus S Bosoni filii ejus S Constantie S Amalfredi presbiteri S Ricardi S Heldebranni S Arnaldi S Teudoni Data per manu Duranni monachi die veneris kalendis augustis anno ab incarnatione Domini nostri Jesu Christi DCCCCLXXVIIII indictione VII regnante rege Chuonrado in Gallia