Charter Document - 02151472
| Charter Number: | 02151472 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0979 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Redemptor humani generis providens salutem fidelium suorum per semet ipsum protestari dignatus est ita inquiens Date elemosinam et omnia munda sunt vobis Quapropter ego [Alda] et filius meus Girbaldus donamus Deo et sanctis apostolis ejus Petro et Paulo cui preest domnus Maiolus abbas aliquid ex rebus nostris que sunt site in pago Matisconensi In primis donamus in villa Montaniaco mansum unum cum vineis campis scilicet et pratis et quicquid ad ipsum mansum aspicit et donamus in villa Marchisotis campum cum vinea nuper plantata cum sua integritate et donamus in alia villa Masariaco nomine vineam quandam que terminat a mane terra francorum et de tribus partibus terra Sancti Petri Infra isto terminio totum ad integrum transfundimus Donamus etiam et servos his nominibus Leotaldum cum uxore et infantibus eorum alium etiam nomine Adalaldum quos volumus ut semper sint in servitio Sancti Petri ac fratrum inibi commorantium Has igitur res denominatas sicut jam diximus donamus pro remedio anime filii mei Mannonis ut ei Dominus in suo judicio pius remunerator appareat Si quis autem hanc donationem calumniare voluerit non valeat vindicare quod repetit quin potius potestate cogente auri libras III persolvat et inantea firma et stabilis permaneat stipulatione subnixa Actum Cluniaco publice S Alde et Girbaldi filii ejus qui donum fecerunt et firmari rogaverunt S Gisleberti S Stephani S Beringarii S Bosonis S Vuinisii Data mense februario anno XXXIIII regnante Lotthario rege Vuarnerius ad vicem cancellarii recognovit