Charter Document - 02151454
| Charter Number: | 02151454 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0978 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Previdens humani generis redemtor fragilitatem suorum fidelium hoc genus remedii contulit gratuito munere ut ex rebus temporalibus quas jure possident eternam et sine fine mansuram vitam si eas bene dispertiant valeant promereri Unde ego Girbertus hujus rei gratiam cupiens adimplere dono Deo et sanctis apostolis ejus Petro et Paulo et ad locum Cluniacum aliquid ex rebus meis que sunt site in pago Matisconensi in agro Prisciacensi in ipsa villa hoc est mansum indominicatum cum vinea simul tenente et quicquid ad ipsum mansum aspicit vel aspicere videtur campis pratis vineis silvis aquis pascuis cultum et incultum totum ad integrum quesitum et ad inquirendum Dono etiam servos his nominibus Guntardum et Adelelmum atque sororem eorum nomine Letildim Girbertum etiam cum uxore et infantibus suis Letelmum cum uxore et infantibus suis Dominicum cum uxore et infantibus suis dono etiam alium mansum cum vinea ubi Dominicus residet et terram arabilem totam duos etiam petiolas de prato una in platea Calvano alia in Azolo hunc ergo curtilum et de illa terra unam medietatem et istas petiolas de prato eo tenore dono fratri meo Teodorico ut quandiu ipse vivit teneat et possideat et post suum discessum ad locum Cluniacum perveniat Primus ergo mansus has habet terminaciones de duas partes via publica de duabus aliis terra Sancti Petri et Gauseranni Has igitur res dono pro remedio anime mee et patris ac matris fratris mei etiam Teodorici et omnium parentum meorum preter illas res de Plano Campo quas dedi Evrardo atque Vuilelmo Si quis autem hanc donationis cartam violare vel sindere in aliquo voluerit primitus iram Dei omnipotentis et sanctorum apostolorum incurrat habeatque partem cum his qui dixerunt Domino Deo Recede a nobis nisi ad emendationem venerit insuper etiam coactus potestate auri libras III persolvat et inantea firma et stabilis permaneat stipulatione subnixa S Girberti qui fieri et firmare rogavit S Teodorici levite S Rodardi S Johannis S Aveloni S Otberti S Vuidonis S Rodanni S Bernoni S Isenbardi Data mense decembrio anno XXV Hlotharii regis Rothardus ad vicem cancellarii recognovit