Charter Document - 02151434

Sacrosancta ecclesia que est constructa in honore apostolorum Petri et Pauli ubi domnus Maiolus preesse videtur Ego in Dei nomine Silvius et uxor mea Guuilis nomine et filius noster nomine Wuillelmus cogitavimus de Dei misericordia vel abluenda peccata ut pius Dominus de peccatis nostris minuare dignetur et pro redemptione animarum nostrarum in pro ipsa amore donamus ad ipsa predicta ecclesia que vocatur beatorum apostolorum Petri et Pauli in loco qui vocatur Cluniensis monasterio aliquid de res nostras qui sunt sitas in pago Vivariensi in agro Albanense in monte qui vocatur Rompone ipsum montem et duas ecclesias que in ipso monte sunt constructe cum decimis et presbiteratus qui habent ipsas res fines et terminationes a solis ortu [flumen] qui vocatur Rodano a solus occasu rivo qui vocatur Cambaico ab aquilone rivo qui vocatur Montalisio de alio latus ad vento aqua que dicitur Obvisio Quicquid infra istas fines inclusum est que michi legibus obvenit totum et ab integro dono ad ipsa casa Dei Et dono ad ipsa casa Dei in alio loco que dicitur Pulleto juxta fluvium que dicitur Rodano bosco et territorio et prato et pascuis et rivis et fontibus aquis aquarumque decursibus omnia et ex omnibus que in ipso loco est que at potestatem Sancti Petri vel in monte Rumponi appendit totum dono ad ipsa casa Dei ea racione ut domnus abba Mayolus vel sua congregatio in ibidem locum monasterium construant et monachos in ipso mittant Et si nos ipsi aut ullus homo est qui donationem istam contradicere voluerit aut inquietare voluerit non valeat vindicare quod repetit sed componat vobis tantum et alium tantum quantum ipsas res melioratas valere potuerint et quod petit non vindicet sed firma permaneat cum stipulatione subnixa Dono etiam duodecim servos ad ipsa casa Dei inhibi servituros evo eterno S Silvii et uxoris ejus Vuilis et filii eorum Vuillelmi qui fieri et firmare rogaverunt S Almanni S Rostagni S Lanbert S Oduini S Bernardi Data per manum Evrardi levite regnante Chonrado rege anno XL