Charter Document - 02151424
| Charter Number: | 02151424 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0976 |
| Date type: | Internal, Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Notum est omnibus legentibus qualiter Scriptura loquitur dicens Divitie viri redemptio anime ejus et Dominus dicit Date elemosinam et omnia munda sunt vobis Quapropter ego Amalfredus quamvis indignus sacerdos timens extremum diem judicii simulque multitudinem peccatorum meorum considerans dono res meas Domino Deo sanctisque apostolicis ejus Petro et Paulo ad monasterium Cluniacum ubi domnus Maiolus abbas preesse videtur In primis dono in villa Medone quecumque mihi retentum habeo post primam cartam usque ad inquisitum similiter et in Sentinatis loco usque ad inquisitum et in Casellis villa quecunque visus sum habere tam ex mea parte quam ea que mihi ex parte avunculi mei Bernoni obvenerunt similiter et in Masionatis quecunque visus sum habere et in Valle similiter campos vineas silvas aquas aquarumque decursibus usque ad inquisitum et in Subvineas ad locum ubi dicitur in Molerias campum unum Dono etiam et in Rovoleria silva medietatem de ipsa que legibus donare possum et in Castaneto similiter que legibus donare possum Hec omnia superius denominata dono ad supradictum locum Cluniacum tam pro anima mea et patris mei Geraldi et matris mee Anastasia fratrisque mei Sisfredi atque avunculi mei Amalfredi omniumque parentum meorum tam vivis quam defunctis ut habeant ipsi monachi res predictas a me libenti animo traditas teneant possideant et faciant de ipsis rebus quicquid illis placuerit in omnibus sine ullius contradictione nepotem autem meum nomine Girbertum in suam suscipiant dominationem litterisque ei sacris inbuant monachumque faciant Si quis vero quod futurum minime esse credo si ego ipse aut ullus ex parentela mea vel aliqua intromissa persona hanc cartam a me factam contradicere vel calumniare voluerit primitus incurrat iram omnipotentis Dei et offensionem predictorum apostolorum sitque pars ejus cum Datham et Habiron atque cum Juda qui Dominum tradidit et nisi resipuerit a sua presumtione componat de auro libras XV cui calumniam intulerit et carta ista stabilis et firma permaneat cum stipulatione subnixa Signum Amalfredi qui elemosinariam istam fieri et firmari in presente rogavit Signum Umberti comiti S Sofredi similiter alii Sofredi S Bernardi S Hervi S Berlioni S Tehutbodi S Siefredi S Tizilini S Ingelbotoni S Salomoni S Adroldi S Arnoni S Bosoni S Girboldi S Amblardi S Ermeniodi S Tehutberti S Agmini S Adalberti Data per manus Amalguini vice cancellarii sub die sabbati mense maio anno XXXVIIII regnante Gohuntdrado serenissimo rege