Charter Document - 02151333
| Charter Number: | 02151333 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0973 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sacrosancte Dei ecclesie que est constructa in honore sancte Marie et sancti Petri in Cluniaco Ego in Dei nomine Desiderius presbiter et Gosmarus ex amore et benivolentia nostra et pro remedio anime Barnoldi sacerdotis donamus predicte ecclesie Dei Cluniacensi ad Sanctam Mariam et ad Sanctum Petrum mansum unum cum curtilo et vinea vel torculari atque cellario cum nemore etiam juris nostri qui videlicet mansus cum suis appendiciis est in pago Viennensi in agro Casiacensi in villa Bracosco Qui mansus habet terminationes istas de uno latere terra Sancti Petri de alio latere simul cum re calco terra infantum Gemmonis et Barnoldi in superiore fronte via antiqua in supteriore fronte terra Barnoldi et Martini Infra hos fines et terminationes una cum arboribus et exitibus totum et sub integro donamus jam dicte ecclesie Dei Cluniacensi ea tamen ratione ut quamdiu nos hoc est Desiderius et Gosmarus advixerimus usum fructuarium possideamus et per annos singulos dabimus sex modios de musto in vestituram et cum alter e nobis supervixerit alteri qui superstes fuerit hunc ipsum fructuarium usum solus possidebit Post mortem vero amborum ad Cluniacensem ecclesiam sicut hodie decernimus et vovemus in perpetuum pertinebit Quod si nos ipsi vel aliquis de heredibus nostris aut ullus omnino hominum extiterit aliquando qui donationi huic nostre contraire eamque dissipare velit nichil ad hoc prevaleat nichilque perficere possit insuper componat tantum et aliud tantum quantum donatio ista valet nunc vel eo tempore meliorata valuerit et omni tempore firma stabilisque permaneat omni stipulatione subnixa Ego Desiderius presbiter et Josmarus donationem istam fieri firmarique rogavimus Ego Johannes presbiter dictavi et scripsi eam in mense decembri VI feria anno XXXVII regnante Gonrado rege S Fanuel S Ondradi S Martini S Andree S Ricardi S Arnoldi S Warnerii Ego Bernoldus presbiter subscripsi