Charter Document - 02151322
| Charter Number: | 02151322 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0972 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
In Christi nomine jam rebus sancte ecclesie per devotionem fidelium multiplicatis et crescentibus iste mos inolevit ut boni christiani de rebus cujuslibet sancti loci aliquid eo tenore impetrent ut ipsi de suis prediis nihilominus aliquid ad vicem sub censu condonent quatinus et ecclesie crescant et ipsi sue commoditati atque elemosine inserviant Quapropter notum sit omnibus sacri cenobii Cluniensis abbatibus atque monachis quibusque futuris quod ego frater Maiolus predicti cenobii licet indignus abbas una cum consensu fratrum res juris nostri cuidam nobili viro nomine Hugoni et conjugi ejus Ailmodi atque eorum filio Stephano ita concedimus villam Ambariacum eo tenore ut si de ipsis duobus filius genitus fuerit ipse hanc obtineat [Deinde] etiam filius eorum Stephanus si uxorem legitimam habuerit ille primus filius qui genitus fuerit simili modo consequatur post eorum vero discessum ipsa villa Ambariacus cum omnibus suis pertine[n]tiis ad Cluniacum locum revertantur in vestitura etiam ecclesiam que est in ipsa villa que est in honore beati Mauritii dicata cum suo presbiteratu et decimis terram etiam que est in parrochia Saviniaco et ancillam nomine Rainildis cum infantibus suis retinemus alias etiam res que ad jam denominatam villam pertinent ipsi suprascripti sicut diximus obtineant Rogamus autem et obsecramus per tremendum Dei nomen et per reverentiam sancti Petri et Pauli ut nullus post eos de ei[s]dem rebus sibi aliquid vindicare presumat sed hec precaria sicut a nobis constituta est inconvulsa permaneat Sane ut firmior sit nos hanc nostra auctoritate firmamus et fratribus nostris corroborare precepimus Maiolus humilis abbas subscripsit S Viviani S Ermenfredi S Balduini S Leodbaldi S Rothardi S Achedei S Vuitberti S Siefredi S Adraldi S Josleni S Amoloni S Teutoni S Armanni S Unberti S Teutoni S Hugoni S Ingelberti S Hunberti S Teodbaldi S Bonizoni S Aldebaldi S Fredeberti S Constantii Item Constantii S Vuiviani S Dacfredi S Siefredi S Toringi S Benedicti S Constantini S Teoderici S Arperti S Daniel S Evrardi S Amici S Vuilusi S Pontii S Girberti S Evrardi S Letaldi S Armanni S Lanberti S Vuillelmi Data mense septembrio anno XXXVI Chuhunradi regis Frater Vuarnerius ad vicem cancellarii rogatus scripsi