Charter Document - 02151289
| Charter Number: | 02151289 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0970 - 0971 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Dominus ac Salvator noster salutem humani generis congaudens et semper in omnibus providens hoc munus et genus remedii contulit sua gratuita pietate ut ex rebus caducis atque infirmis mansura et sine fine constans vita possit absque dubio adquiri Quapropter ego Seibaldus sacerdos vitam cupiens inmarcescibilem totis viribus promereri dono Deo et sanctis apostolis ejus Petro et Paulo Cluniensi cenobio cui domnus Maiolus venerandus abbas preesse videtur aliquid ex rebus meis que sunt site in pago Matisconensi in agro Marciacense in villa Visandone mansum in dominicatu Fontenilis vocant terminat a mane terra Guandalmari a medio die Osanne a sero via publica a circio terra Tedbranni Et in ipso loco vineam que terminat in ipsa hereditate a medio die Giperii a sero et a circio terra Tedbranni Et aliam vineam ad Periolum vocant terminat de ambabus frontibus terra Sancti Vincentii de uno latere terra Tedbranni cum heredibus de alio latere Girberti cum heredibus Et in Longa Nave campum terminat de uno latere terra Sancti Marcelli de alio latere Sancti Petri de una fronte Girberti et de alia via publica et est in cautione pro solidis III est medietas supradicti campi Infra isto terminio totam medietatem ad integrum Et alium campum Fontana Benedicta vocant terminat de uno latere et una fronte via publica de alio latere terra Constabuli de alia fronte via antiqua Infra isto terminio quartam partem vobis concedo pro anima mea et patris mei Aremberti et matris mee Benedicte Si quis hanc donationem calumniare presumpserit primitus iram Dei omnipotentis incurrat et sancte Dei genitricis Marie sanctorumque apostolorum jam denominatis et omnium sanctorum sciat se esse dampnatum deinde coactus auri libras quinque persolvat et hec donatio firma et stabilis omni tempore permaneat stipulatione subnixa Ea ratione dum vixero usum et fructum habeam et per singulos annos denarios VI persolvam et post meum discessum ad supradictum cenobium deveniat Actum Besorniaco villa pubbice Signum Seibaldi sacerdotis qui donum fecit et firmari rogavit S Tedberti Archimbaldi Costabuli Cristiani Tedbranni Tetelmi Constantii Amalberti Data per manum Girbaldi presbiteri anno XVII regnante Lotthario rege