Charter Document - 02151281
| Charter Number: | 02151281 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0970 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Sacrasancta Dei ecclesia que est constructa in pago Matisconense in loco qui dicitur Cluniaco in honore beatorum apostolorum Petri et Pauli dedicata ubi domnus Mayolus abbas preesse videtur Ego quidem Vuitoldus cogitavi de Dei misericordia de eterna retributione et ut de terrenis rebus celestia adquirere debeamus Propterea dono Domino Deo et sanctis apostolis ejus Petro et Paulo aliquid de res meas qui sunt sitas in pago Lugdunense in agro Valloniacense in villa qui dicitur Batesiamaisma in locum qui dicitur Cimandrias hoc sunt res que de Bernoni et Aginoni et Agia conquisivi nisi tantum II sextariadas mihi reservo eo tenore quamdiu Dei miseratione vitales habuero aures teneam et possideam Post hujus vite exitum ad jam dictum locum perveniat S Vuitholdi sacerdos qui donacione ista fierent et firmare rogavit S Bernardo Heldebert S Bernoldus S Oltinesus S Achardus Data per manu Johanni sacerdoti in die martis I nonas aprili regnante Gonrado rege