Charter Document - 02151229

In nomine Domini Dei et Salvatoris nostri Jesu Christi Hotto gracia Dei imperator et item Hotto filio ejus rex anno imperii et rengni eorum Deo propicio hic in Italia sexto sexto decimo die mensis julii indictio decima Ego Adelgisus presbiter officiale baxilice Sancti Georgii sita intra hanc Ticinensem civetatem et filius quondam Dominici qui professo sum ex nacione mea legem vivere Langobardorum presens presentibus dixi Vita et mors in manu Dei est melius est enim omini metu mortis vivere quam spe vivendi morte subitanea preveniri Manifestum est mihi cui supra Adelgisi presbitero eo quod odie venundaverunt mihi Gaidulfus judex filius quondam Petri itemque judex et Ima que et Imiga filia quondam Vualperti similique judex jugalibus per cartulam vindicionis et pro accepto precio pecias duas de terra quam habere vixi fuerunt intra hanc Ticinensem civetatem una ex eas esse videtur non multum longe da baxilica Sancti Savini alia pecia de terra esse videtur prope locus ubi Becaricia dicitur In prima pecia de terra qui jacet non multum longe da baxilica Sancti Savini in parte edificatis esse videtur solarium unum et capella in ipsum solarium constructa in honore sancte Dei genetricis virginis Marie et beati archangeli Mihaelis et sancti Petri apostoli adque in honore omniumque sanctorum et ubi in parte alienas edificias edificatis esse videntur cum curte et puteo seu broilo insimul tenente cui coerencias decernitur de duabus partibus vias publicas da tercia parte terra que fuit quondam Alloni de Vico Piculo et terra quondam Vuarnoni monetarius da quarta parte terra Cuniberti judici et Petri subdiaconi cui supra de ordine sancte Ticinensis ecclesie germanis Ab alia pecia de terra qui jacet prope locus ubi Becaricia dicitur et ubi Petrus qui vocatur Grasello suum proprium edificium edificatum abet coerit ei da una parte muro Giselberti filii quondam Daiverti de alia parte terra Vualperti judici da tercia parte via publica et da quarta parte anditum de foro qui vocatur Cluso sibeque alii sun in is omnibus coerentes Adque eciam et venundaverunt mihi ipse Gaidulfus et Ima que et Imiga jugalibus per jam dictam cartulam et precio suorum porciones quam est octavam pars de pecia una de terra juris suorum quam habere vixi fuerunt foris et prope hanc urbem non multum longe da turre que vocatur Alba ubi in ipsa octavam pars de jam dicta pecia de terra octavam pars de molendinum et saluciola edificatis esse videntur cum octavam pars de alveum fluminis Caterona in qua ipsum molendinum edificatum esse videtur et una cum octavam pars de aquaductile et rugias ipsius molendini insimul tenente Simulque eciam et venundaverunt mihi ipsi jugalibus per ista cartula et precio casis et rebus illis juris suorum quam habere vixi fuerunt in locas et fundas Soliassi et in casale qui vocatur Fredesi seu in curte que dicitur Erisi ut a presenti die in mea aut cui ego dedissem vel habere statuissem fuisset potestatem proprietario juri habendum et faciendum exinde quod voluissemus Nunc autem considerantem me Dei omnipotentis misericordiam et retribucionem eternam ut ne casis et rebus ipsis seu capella tam hic intra hanc Ticinensem civetatem quamque et foris cum predictam octavam pars de jam dicta pecia de terra et molendinum et alveum fluminis Caterona cum rugias et aquaductile suo sive predictis casis et rebus in locas et fundas Soliassi et in casale qui dicitur Fredesi adque in curte qui dicitur Erisi inordinatis relinquam propterea previdit eis ita ordinare et disponere ut omni tempore sic firmis et stabilis permanead qualis ic subtus per singula capitula insertum fuerit et mea decrevit voluntas pro animam et mercedem Ideoque volo et statuo seu judico quod per hanc cartulam ordinacionis mee confirmo ut ab hoc die inantea usque in perpetuum sit jam dicta capella que est edificata in predictum solarium in honore sancte Dei genetricis Marie et sancti archangeli Mihaelis et beati Petri apostoli seu in honore omniumque sanctorum monasterium virorum constitutum et subjugatum cum omnibus rebus ad eundem monasterium pertinentibus desub regimine et potestate monasterii Sancti Petri constructum in loco qui vocatur Cloniacus et ad domnus Magiolus abba jam dicto monasterio Sancti Petri sita regnum Borgundie ad predicto locus qui vocatur Cloniacus et ad ejus successores sin in eodem monasterium que nunc constituo monachi ordinati qui cotidie in ipsum monasterium abitene et missa et vesper seu matutinum careant et orationes faciant pro anima quondam Liutardi episcopus et anima Gaidulfi judici filius quondam Petri itemque judici seu pro anima Imani que et Imiga filia quondam Vualperti judici conjus ipsius Gaidulfi adque pro omnes animas cristianas que sacrum baptismum receperunt die noctuque orent ut Dominus noster Jesus Christus eorum peccata dimittat et hoc volo et statuo seu judico adque per hanc cartulam ordinacionis mee confirmo ut abeant monachi illi quem ipse domnus Magiolus abba suique successores in predicta capella qua nunc monasterium constituo esse intra hanc urbem Ticinensem jam dicta pecia de terra intra hanc urbem ubi jam dictum solarium edificatum esse videtur cum curte et puteo seu broilo insimul tenente et alia pecia de terra que vocatur Stagona similiter intra hanc urbem seu predictam octavam pars de jam dicta pecia de terra foris et prope hanc urbem ubi octavam pars de jam dictum molendinum et saluciola edificatis esse videntur cum octavam pars de fluvium Caterone et rugias seu aquaductile suo insimul tenente adque jam dictis casis et rebus in locas et fundas Soliassi et in casale que vocatur Fredesi seu in curte qui dicitur Erisi omnia sicuti michi cui supra Adelgisi presbitero odie ad istis jugalibus per jam dictam advenerunt cartula ad usu et sunt monachi illi qui nunc et pro tempore in eodem monasterium que constituo esse intra hanc urbem ad jam dictus domnus Magiolus abba suique successores ordinati fuerint faciendum ex frugibus earum rerum vel censum quibus exinde annue Dominus dederit ad eorum usu et sunt una cum accessionibus et ingressurus earum seu cum superioribus et inferioribus earum rerum preter antepono jam dictas alienas edificias que super jam dictas duas pecias de terra jacentes intra hanc urbem edificatis esse videntur quicquid voluerint pro anima mea et anima istorum Gaidulfi et Imani qui et Imiga jugalibus seu pro anima quondam Liutardi episcopus sancte Comensis ecclesie adque pro animas de omnes animas illas qui sacrum baptismum receperunt mercedem et hoc volo et statuo seu judico ut in die anniversarii jam dicto quondam Liutardi episcopus et in die aniversarii istorum Gaidulfi et Imani jugalibus jam dicti monachi quem ipse domnus Maiolus abba suique successores in predictum monasterium que noviter constituo esse ordinaverint et alii monachi qui in predicto monasterio sita loco Cloniacus nunc et pro tempore ordinati fuerint missa et vesper seu matutinum careant pro anima jam dicto quondam Liutardi episcopus et istorum jugalibus seu pro omnes animas de parentela jam dicto quondam Liutardi episcopus et ipsorum jugalibus adque pro omnes animas christianas ut eorum oracio eis proficiant ad anime salutem et gaudium sempiternum equaliter exinde fecerint Deum omnipotentem abeant retributorem Necnon eciam volo et statuo seu judico ut in ipsum monasterium que noviter constituo esse edificatum nullus alius homo abead licenciam nec potestatem abam nec monachum ibidem ordinandi nixi domnus Magiolus abba monasterio Sancti Petri sita loco Cloniacus aut sui successores et qui aliter fecerit Deum omnipotentem abeant retributorem et pro honore sacerdocii mei nec mihi licead ullo tempore nolle quod voluit set quod ad me semel factum vel conscriptum est sub jusjurandum inviolabiliter conservare promitto cum stipulacione subnixa Hanc enim cartula ordinacionis me[e] paginam mihi Liuprandi notarius sacri palacii tradedit et scribere rogavit in qua subter confirmans testibusque optulit roborandam Actum civetate Ticinum feliciter Ego Adelgisus presbiter in ac cartula ordinacionis a me facta subscripsi Laurencius lege vivente Romana rogatus subscripsi Johannes rogatus subscripsi Vualfredus filius Joanni monetarius legem vivente Romana rogatus subscripsi Adelmus judex sacri palacii rogatus subscripsi Roidulfus judex domini imperatoris hac regum rogatus subscripsi Andreas notarius sacri palacii rogatus teste subscripsi Aginulfus notarius sacri palacii rogatus subscripsi Ebbo notarius sacri palacii rogatus subscripsi Ego qui supra Liuprandus notarius sacri palacii scriptor hujus cartula ordinacionis post tradita complevi et dedi