Charter Document - 02151192
| Charter Number: | 02151192 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0965 - 0966 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sacro et venerabili cenobio Cluniensi monasterio quod est constructum in honore beatorum apostolorum Petri et Pauli quem domnus Maiolus gubernare videtur Ego Adilis dono ex rebus proprietatis mee que evenerunt mihi ex patre meo Achardo nomine et sunt ipse res site in pago Matisconensi in agro Evuirandensi in villa Escutiaco hoc sunt curtile campi prata silvis cum exitibus et regressibus Et habent ipse res fines et terminationes a mane finem de Floriago a medio die finem de Lanolia a sero Lera fluvio a circio terra Ansberti cum filiis suis Infra istas terminationes quartam portionem dono a die presenti ut fratres supradicti cenobii quicquid voluerint in omnibus faciant aliam hereditatem dummodo vivimus ego et dominus meus Raherius usum et fructum habebimus et post amborum nostrorum discessio supradicti fratres teneant et secure possideant Et si nos ipsi aut aliquis de heredibus nostris vel aliqua intromissa persona qui hanc elemosinam calumniare presumpserit primitus iram Dei incurrat et beatorum apostolorum et omnium sanctorum et dehinc firma et stabilis permaneat stipulatione subnixa S Adilis que hoc donum fecit et firmari rogavit consentiente viro suo S Lamberti Engonis Engelardi Drocfredi Constantini Data per manum Stephani anno XII regnante Lotthario rege Et insuper donamus vobis cellarium unum propter quod celi secreta possidere valeamus