Charter Document - 02151189
| Charter Number: | 02151189 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0965 - 0966 |
| Date type: | Internal, Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Dominus hac redemptor humani generis providens salutem fidelium suorum hoc genus remedium contulit gratuito munere ut ex rebus quas jure possident eternam et sine fine mansuram si eas bene dispertiant valeant promereri Quapropter ego in Dei nomine Gymmo et uxor mea Guidrada donamus Deo et sanctis apostolis ejus Petro et Paulo et ad locum Cluniensis cenobii ubi domnus Maiolus preesse abbas videtur aliquid de rebus nostris que site sunt in pago Forensis hoc est ecclesia que est in honore sancti Projecti martyris medietatem in tali tenore ut quamdiu vixero ego Gymmo teneam et possideam et post meum discessum ad locum Cluniensis revertatur et omni anno in vestitura in sollempnitate sancti Petri sex denarios persolvam et in tali tenore ut monachi Cluniensis nostrum locum et societatem in ipso monasterio donent et me et meam uxorem Si quis autem donationem istam calumniare vel contradicere voluerit primitus iram omnipotentis incurrat et sanctorum apostolorum et cum Dathan et Abiron quos vivos terra absorbuit partem et societatem habeat in inferno ipse autem non valeat vindicare quod petit sed insuper cui litem intulerit auri libras quinque componat et inantea firma et stabilis donatio ista permaneat cum stipulatione subnixa S Gymonis et uxoris sue Guidrada qui fieri et firmare rogavit S Duranni nepotis ejus S Rotlanni S Alexandre S Aygleri S Raymberti Data per manum Randuini anno XXVIIII Cohunradi regis Ego Gymmo dono Deo et Sancto Petro istam hereditatem pro anima patris mei et matris mee et omnium parentum meorum