Charter Document - 02151172
| Charter Number: | 02151172 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0964 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Salvator generis humani providens salutem suorum fidelium monet ut de rebus suis unusquisque juste adquisitis non tardet anime sue lucrum adquirere Quam rem ego Aynardus levita desiderans adimplere dono Deo et sanctis apostolis ejus Petro et Paulo et ad locum Cluniacum res meas que sunt site in pago Matisconensi in agro Marciacensi in villa Cavaniacensi in loco quem vocant Montilio hoc est mansum indominicatum cum vinea et campo simul tenente qui terminatur a mane terra Sancti Petri a medio die et a sero via publica a cirtio Montilio Infra istas terminationes totum ad integrum dono eo tenore ut quandiu vixero teneam et possideam et singulis annis in vestitura IIII sextarios de vino persolvam et duos parvulos quos habeo ipsi fratres sustineant et benefaciant et si voluntas mihi evenerit habitum monachicum concedant Qui autem hanc donationem calumniare voluerit non valeat vindicare quod repetit sed coactus auri libram I persolvat et postea firma et stabilis permaneat cum stipulatione subnixa S Aynardi qui donationem fecit et ipse firmavit S Arlei S Ornadi S Alberici S Odonis S Bernonis S Rotberti S Eldini Rothardus scripsit mense februario regnante Lothario rege anno X