Charter Document - 02151133
| Charter Number: | 02151133 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0962 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Divina propiciante clementia antiquitus constitutum est ut ex rebus perituris eterna vita valeat adquiri Quamobrem ego Fulgaldus dono Deo et sanctis apostolis ejus Petro et Paulo ad locum Cluniacum ubi domnus Maiolus abba preesse videtur aliquid de rebus meis que sunt site in comitatu Matisconensi in agro Marciacensi in ipsa villa hoc est unum [mansum] cum vinea et prato que simul tenentur et terminantur a mane terra Sancti Petri a meridie terra Arlei a sero Gundulrici a cirtio via publica Infra istas terminationes totum cum omni integritate dono ad prefatum locum eo tenore ut quandiu vixero teneam et possideam post meum vero discessum ad Aymonem nepotem meum perveniat post cujus obitum ad Sanctum Petrum revertatur et faciant monachi quicquid voluerint Sed et in singulis annis tempore vindemie in vestitura IIII sextarios de musto omnibus diebus vite nostre persolvemus Si quis vero hanc donationem calumpniari presumpserit non valeat vindicare quod repetit sed cogente potestate cui litem intulerit auri libras II componat et postea firma et stabilis permaneat stipulatione subnixa Actum Cluniaco publice S Fulcaldi qui fieri et firmare rogavit S Aymonis S Arlei S Gunterii S alii Aymonis S Heliodi S Alimari Data mense julio anno VIII Lotharii regis Rothardus scripsit