Charter Document - 02151124
| Charter Number: | 02151124 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0962 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sicut indubitanter fides credentium tenet ita Christi benignitas mortalibus consulit ut ex bonis temporalibus que lege mortis amissuri sunt mansura perennis vite premia sibi valeant preparare ut scriptum est Divitie viri redemptio anime ejus Quapropter in Dei nomine ego Albericus gratia Dei comes dono Deo [et sancto Johanni Baptiste] sanctisque apostolis ejus Petro et Paulo Cluniensis monasterii ubi preest dunnus Maiolus abba aliquid ex rebus meis que sunt site in pago Matiscensi in agro Ipgiacensi in ipsa villa hoc est medietatem ecclesie Sancti Germani et capellam que est in villa Domanico et tres mansos in villa Ipgiaco superius denominata cum servis et ancillis his nominibus Dominico cum uxore sua et infantibus suis et alium Dominicum cum uxore sua et infantibus suis et Deodatum cum uxore sua et infantibus suis et Teotlannum cum uxore sua et infantibus suis et alia mancipia que in ipsa villa habeo necnon in villa Privisiaco duos mansos cum servis et ancillis his nominibus Hunaldum cum uxore sua et infantibus suis Dominicum cum uxore sua et infantibus et alia mancipia que ibi habeo et duos mansos in villa Bassiaco cum servis et ancillis his nominibus Dominicum cum uxore sua et infantibus suis et Durannum et quicquid ad ipsos mansos superius denominatos aspicit vel aspicere videtur totum cum omni integritate dono pro remedio anime mee ac patris mei Leotaldi ac matris mee Ermengardis et omnium parentum meorum sive omnium fidelium christianorum Medietatem ergo ecclesie Sancti Germani et capellam Sancti Petri in presenti dono in vestitura reliqua vero mihi reservo dum advixero post discessum autem meum ad supradictum locum omnia superius denominata perveniant Si quis vero quod futurum esse minime credo ego ipse aut ulla intromissa persona contra hanc donationem a me libentissime factam venire voluerit omnino non valeat vindicare quod repetit sed potius iram Dei omnipotentis ac sancti Johannis necnon sanctorum apostolorum incurrat quorum res non est veritus invadere atque potestate cogente cui vim ausus inferre fuit auri libras X persolvat et inantea firma et stabilis permaneat Actum Cluniaco publice S Alberici comitis qui donavit et ipse firmavit S Narduini S Gauzeranni S Rocleni S Leopranni S Odilardi S Livonis S Raculfi S Teutberti S Alaldi S Hunberti S Aindrici S Silvualdi S Girmundi S Ansigisi Data mense januario anno octavo regnante Lothario rege Francorum Rothardus autem ad vicem cancellarii scripsit et subscripsit