Charter Document - 02151116
| Charter Number: | 02151116 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0961 - 0962 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
In Christi nomine Ego Aspasius et germanus meus Girardus nos pariter donamus ad sorori nostre nomine Richeldis hereditate nostra pro amore et bona voluntate et fraternitate Qui est ipsa hereditas in pago Lugdunense in agro Estrabyacense in villas prenominatas in Guiarada ecclesia qui est in honore sancte Urse quantum de ipsa ecclesia nobis advenit tibi donamus et in Sponcione quantum nobis advenerit et in loco qui dicitur Vig quantum nos habuimus tali scilicet tenore dum modo vivis usum et fructum possideas et si de te heres legales natus fuerit ad illum perveniat et si heres de te non fuerit ad propinquos perveniat sicut supra nominatum est usque inexquisitum omnia et ex omnia tibi donamus id est ad habendi vendendi donandi perdonandi seu liceat commutandi Et si nos ipsi aut ullus homo aut ullus ex heredibus nostris qui contra donationem istam inquietare presumpserit non vindicet set componat tantum et alium tantum quantum ista donatio unquam meliorata valuerit et hec donatio ista facta firma et stabilis permaneat cum stipulatione subnixa S Aspasio et Girardo fratre suo qui donatione ista jusserunt fieri et firmare rogaverunt S Ratburno S Eboni S Arnoni S Ingelboldi S Archunbodi S Teydoni Ego Siefredus levita qui hanc donationem scripsi datavi die jovis in mense julio anno XXV regnante Chuonrado rege