Charter Document - 02151093
| Charter Number: | 02151093 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0960 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Qualis autem vel quanta unicuique homini ex rebus suis concessa sit potestas in dando vel in vendendo seu in caucionem mittendo sive liber sit sive servus nullus ignorat qui leges piissimorum imperatorum pleniter novit Quapropter ego Paschalis et uxor mea Ingelburga coegit nos necessitas et propria crevit voluntas ut quandam vineam nostram cuidam venerabili viro Ademaro nomine in caucionem mitterem pro solidos quadraginta usque ad annos XX quod ita fecimus Est autem ipsa vinea sita in pago Viennensi in parrechia videlicet Sancti Cirici in villula que vocatur Comella prope Rodanum fluvium que habet in uno latere perticas XX in altero latere perticas XX et pedes VII in uno fronte perticas VIIII in altero fronte perticas IIII terminatur autem hec eadem vinea in uno latere Rodano currente in altero latere terra Sancti Mauricii in uno fronte terra Varmerii in altero fronte terra ipsius Paschalis Infra has fines vel as terminaciones quitquit visus sum habere prenominato viro in caucione mittimus ea racione ut si ad annos viginti ipsos quadraginta solidos cum conquisto sicut per unum quemque annum levaverint vobis in denariis reddere potuerimus ipsa vinea ad nostram redeat potestatem Quod si ad annos XX ipsos quadraginta solidos cum suo conquisto reddere non potuerimus in ipsa caucione permaneat donec eam redimere possimus S Paschalis qui hanc caucionem fieri et firmare rogavit S Ingelburga uxoris ejus que in omnibus consensit S Ingelardi S Edeberti S Abolino S Aymaino Ego Siefredus levita hanc caucionem scripsi datavi kalendas aprilis regnante domno Chuonrado