Charter Document - 02151067
| Charter Number: | 02151067 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0959 |
| Date type: | Internal, Calendar, Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
In nomine sancte et individue Trinitatis Lotharius gratia Dei rex predecessorum nostrorum consuetudines regum obtinemus si familiariter congruis in petitionibus fideles nostros exaudimus Quapropter universe sancte Dei ecclesie nostrorumque omnium fidelium tam presentium quam et futurorum animis notum esse volumus quoniam domina mea mater gloriosissimaque Girberga regina per consensum suorum nostrorumque fidelium accessit nostre presencie serenitatis maternis cum jussionibus rogans ut monasterium quod est situm in comitatu Trahesino in honore sancti Amandi dicatumque eo quod absque rectoribus esset veluti in inhabitabilibus locis monasterio Cluniacensi suisque rectoribus subderemus cum suis omnibus ad se rebus pertinentibus tam in villis quamque in prediis omnibus cumque mancipiis utriusque sexus pratis vineis silvis aquis aquarumque decursibus et regressibus et exitibus cui assensum prebentes quo cum fuerat petitiones in hac jussione ut in aliis suscepimus prelatumque monasterium Sancti Amandi cum omni integritate ut jam dictum est jam dicto Cluniacensi monasterio subdendo concessimus eo statu ut in quantum Deus illis subpeditaverit auxilium eum construant locumque habitabilem prout poterint ret dant quatenus cun[c]tipotens Deus ibi jugiter laudetur cum sanctis dominaque mea gloriosissima nobiscum mater que hoc statuit eterne felicitatis premio Christo largiente donetur Et quo firmius credatur stabiliusque possideatur manu propria subter firmavimus et anulo nostre auctoritatis ratum insigniri jussimus Domni et gloriosissimi signum Lotharii regis Gezo humilis questor ad vicem Artoldi archiepiscopi summique cancellarii recognovit Datum nono kalendas decembris regnante gloriosissimo Lothario rege anno V indicione tercia Actum Divionensi in palatio feliciter Amen