Charter Document - 02151038
| Charter Number: | 02151038 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0957 |
| Date type: | Internal, A.D., Calendar, Regnal |
| Resource Link(s): |
CCE: cartae cluniacenses electronicae |
Charter:
Quicquid stabile et inconvulsum volumus per longa temporum curri[cula] firma ratione servare necesse est litterarum suffragiis allegari et memoriæ sequenti[um tra]dere Igitur ego Ricfredus dono Deo et sanctis apostolis ejus Petro videlicet et Paulo et m[onachi]s Cluniensibus pro redemptione anime mee et parentum meorum et omnium christianorum ali[quid de] rebus proprietatis meæ quæ michi jure hereditario et successione parentum [legaliter] obvenerunt hoc est mansum indominicatum in villa quæ vocatur Besorniaco cum omnibus pertinenciis et adjacentiis suis campis silvis pascuis vineis vircariis molendinis pratis aquis aquarumque decursibus farinariis cultum et incultum quesitum et ad inquirendum totum ad integrum a die presenti et deinceps ut faciant in omnibus quicquid eis libuerit Est autem idem mansus in comitatu Matisconensi situs in agro Maciacense in villa Saciaco et cum ipso manso curtilos duos cum servis et ancillis Rotbertum scilicet cum uxore sua Osanna et duobus infantibus eorumdem simili modo Abonem cum infantibus suis omnibus et cum duobus consobrinis suis qui vocantur alter quidem Constabilis sequens vero Constantius hac deinde de infantibus Sisfredi tres quorum quidem prior nuncupatur Valetus secundus autem Wicardus tercius quoque nichilominus Adaleldis femina insuper et duas partiunculas camporum unam quæ est sita in villa Maciaco quæ in Salicta vocatur et alteram in ipsa villa superius jam dicta quo in Verneta vocatur Hæc omnia cum omnibus [rebus] et pertinenciis suis suprataxatis dono a presenti die et deinceps perpetuo manc[ipans] vestræ potestati ut faciatis in omnibus quicq[uid v]obis visum fuerit Si quis ve[ro ad hæc] aliquam inferre calumpniam temptaverit Deum omnipotentem et sanctam Dei [] matrem et XII apostolos Domini Jesu Christi habeat contrarios in presenti et in [futuro] nisi ad emendationem venerit Hæc autem donatio a me libenti animo facta [firma] et stabilis permaneat stipulatione annexa S Ricfredi qui hanc donationis cartam fieri et firmare rogavit S Letois matris ejus qui in omnibus consensit S Bernardi S Gerardi S Bernulfi S Liverii S Richerii S Adalgisi S Gundulfi Data per manum Rodulfi monachi et levite anno ab incarnatione Domini nostri Jesu Christi DCCCCLVII anno quarto imperii Lotharii regis in mense octobri tercia feria quod est VI kalendas novembris