Charter Document - 02151035
| Charter Number: | 02151035 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0957 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Omnibus notum facere volumus quod ego Adalgisus pro Dei amore et bona voluntate et pro remedio animæ meæ heredem facio æcclesiam Cluniensem et sanctos Dei apostolos Petrum et Paulum et monachos ibi Deo servientes de una parte meæ hereditatis quæ conjacet in comitatu Matisconensi in agro Agenacense in villa Maxiliaco hoc est plantata quam hædificavi quæ terminationem accipit a duabus partibus de ipsa hereditate a tertia parte viam publicam a quarta terram Sancti Petri et habet in longum perticas XXII in transverso VI Infra istas terminationes totum ab integro dono atque transfundo ea ratione ad prefatum locum ut dum vixero usufructuario teneam post meum discessum ad ipsum locum perveniat et in singulis annis festivitate apostolorum Petri et Pauli IIII denarios in censu reddam S Adalgisi qui hanc donationem fieri et firmare rogavit S Aslandi S Rainulfi S Walterii S Gunterii S Constantini S Ainardi S Segeverti S Malvuini S Rainaldi S Giperii S Achini S Arnulfi S Engenii Data mense junii anno III imperii Lotharii regis Rotdulfus scripsit