Charter Document - 02151013
| Charter Number: | 02151013 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0956 - 0957 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sacrosancto monasterio Cluniaco quod est constructum in pago Matisconensi in honore beatorum apostolorum Petri et Pauli atque Andreæ ubi preest domnus Maiolus cum fratribus sibi a Deo commissis Igitur notum sit omnibus tam presentibus quam futuris quod ego Poncius perpendens terminum vitæ meæ et futuram retributionem quam Dominus repromisit famulantibus sibi facientibus bona placuit mihi ut de rebus juris possessionis meæ Domino servientibus darem consentiente uxore mea Richilde ad usus monachorum in prescripto cœnobio Cluniaco Deo servientium ut intercessionibus eorum divina pietas et in presenti concederet indulgentiam delictorum et in futurum sempiternam mercedem Ideoque dono supradicto loco et fratribus ibi conversantibus res nostras ad usus eorum tam presentibus quam futuris sitas in pago Diense in valle Condacense quicquid in eadem valle visus sum habere cum omnibus apendiciis suis campis pratis vineis domibus cultis et incultis pascuis silvis aquis aquarumque decursibus farinariis exitibus et regressibus quesitum et inquirendum totum et ad integrum in ea videlicet ratione ut medietatem ex supradictis rebus prescripti monachi a die presenti et per cuncta futura tempora sibi vindicantes per hanc auctoritatis cartam illis a me devotissime factam ad husus suos retineant alteram vero medietatem predicta conjux mea Richildis quoad vixerit usufructuario retinens post discessum ipsius eadem medietas ad rectores prefati cenobii sine ullius contrarieta[te] perveniant Testes Pontius Richildis Girardus Agomarus Tetardus Ainardus Tetbaldus Bernardus Eldrannus Data mense julio anno XX regnante Chunrado rege Clemens scripsit