Charter Document - 02151008

Salvatoris clementia quæ in omnibus mortalibus hominibus subvenit in hoc etiam consulit ut ex rebus transitoriis quas jure possident æterna valeat merces adipisci si eas bene utantur Quapropter ego Alindrada et filius meus Aschericus levita donamus Deo et sanctis apostolis ejus Petro et Paulo et ad locum Cluniensis monasterii cui preest domnus Maiolus abbas aliquid ex rebus nostris quæ sunt sitæ in pago Lugdunensi et in villa Tusciaco quicquid in ipsa visi sumus habere hoc sunt campi prati silvæ aquis aquarumque decursibus et farinariis quesitum et ad inquirendum cultum et incultum totum ad integrum [et servum nomine Abbonem] Hæc ergo donamus Deo et jam dictis apostolis pro animabus nostris Arlebaldi et parentum nostrorum et in locum sepulture ut nobis Dominus in tremendo judicio placatus appareat Ea tamen ratione ut quamdiu vivimus teneamus et possideamus et post nostrum amborum discessum ad ipsum locum perveniat et duodecim denarios in vestituram persolvamus Si quis autem hanc donationem a nobis libentissime factam calumniare voluerit non valeat vindicare quod repetit sed primitus iram Dei omnipotentis incurrat et sanctorum omnium sitque anathema omnibus diebus et adsimilatus Judæ qui Christum tradidit et Datan et Abiron quos terra vivos absorbuit nisi ad emendationem venerit et insuper cogente potestate cui litem inferre non est reveritus auri libras V componat et inantea firma et stabilis permaneat stipulatione subnixa Actum Dratiaco villa Signum Alindradæ S Ascherici qui fieri et firmare rogaverunt S Artaldi Siginildis qui consenserunt S Annæ S Grimeri S Sovroni S Arcinbodi S Arnulfi S Deodati S Waldrici S Gislardi Data mense decenbrio anno XX Cohundradi regis regnante Rothardus rogatus scripsit