Charter Document - 02151007
| Charter Number: | 02151007 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0956 |
| Date type: | Internal, A.D., Regnal |
| Resource Link(s): |
CCE: cartae cluniacenses electronicae |
Charter:
Omnibus sub tytulo christiane militie viventibus ejusdemque fidei censuram inconcusse servientibus auxiliatrice misericordis Dei bonitate concessum est ut sibimet consulentes profuturam sibi recompensationem et eterne mercedis adquirant provisores effecti sue salutis dum student transitoria pro celestibus et mansuris gaudiis commutare domui Dei sub auctoritate testamenti sua porrigendo juste a se dudum possessa Quapropter sub hac rationabilitatis congruentia ego Girbergis mihimet ipsi prospiciens licet suprema dies corporei discriminis a cunctis mortalibus inevitabilis et invisa jamjamque michi suo haustu imminens ex asse [exhauriens] corporis vires fraude perniciosa perniciter advolans statuo testamentum jure cessionis sanctuario Dei ex uno manso indominicato qui adjacet comitatui Matisconensi qui est situs in villa Petronna in vicaria Baxiacense ex omnibus partibus terminacionem accipiens de ipsius terra sanctuarii ea conditione eosdem constituens heredes sub adtestatione cirografi qui militare Deo noscuntur in cartularii seu conscripti ad serviendum Deo sub pretextu monastice institutionis ut quamdiu hoc in seculo subsistere potero vel advivere liceat utere usu fructuario et post hec deinceps cum vita excessero cum omnibus pertinentiis et adjacensiis suis hoc est campis silvis pratis pascuis molendinis aquis aquarumque decursibus quesitum et ad inquirendum ex omnibus quicquid facere eis placuerit faciant tantum memores sint anime mee Si quis vero contradictor extiterit huic donationi contradictorem regni celestis habeat Deum omnipotentem et beatum Petrum apostolum Hanc autem conscriptionem donationis mee manumissione mea corroboratam et inconcusse firmatam a manumissoribus suis Domino Deo omnipotenti et beato Petro apostolo offero astipulatione adnexa Signum Gerburge qui hanc conscriptionem non tantum fieri sed etiam firmare rogavit Signum Ramaldi Signum Leotaldi Signum Anscherii Signum Stephani Signum Hemardi Signum Teutberti Signum Rotberti Signum Fulqualdi Signum Adalberti Hec descriptio facta est a Rodulfo anno Dominice incarnationis DCCCCLVI anno tercio imperii Lotharii regis filii Ludovici imperatoris