Charter Document - 02151005
| Charter Number: | 02151005 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0956 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Salvatoris clementia procuratum est hoc salutis remedium ut ex rebus transitoriis si eas bene utantur homines æterna valeat merces adipisci dent scilicet labentia et accipiant mansura Hac igitur causa ego in Dei nomine Ingelbertus prepositus ecclesie Viennensis dono Deo et sanctis apostolis ejus Petro et Paulo Cluniensis monasterii res meas quæ sunt in pago Lugdunensi in aice Forensi in villa Mariniacensi hoc est mansum indominicatum cum omnibus adjacentiis et ibi pertinentibus cultum et incultum quesitum et ad inquirendum mansis et pratis silvis totum ad integrum et in aliis villis hiis nominibus in Novigella et in Albiniaco et in Felgerolas quicquid in illis visus sum habere mansis scilicet campis silvis aquis aquarumque decursibus cum omnibus appendiciis suis et in commitatu Viennensi in villa Montianensi dono similiter quicquid in illa visus sum habere et servis his nominibus Odino et infantibus suis Aycardo cum uxore et infantibus suis et a Sancto Mauricio omnia ex omnia quicquid inibi habere visus sum terras et mansos cultum et incultum et in Genicullo mansum unum et quicquid ad ipsum aspicit Hæc omnia dono Deo et supradictis apostolis pro remedio anime mee et parentum nostrorum ea scilicet ratione ut quamdiu vixero teneam et in vestitura mansum indominicatum jam dictus locus in presente recipiat de Mariniaco villa Si quis autem contra hanc donationem venire voluerit non valeat vindicare quod repetit sed coactus auri libras V exsolvat et inantea firma et stabilis permaneat stipulatione subnixa Signum Ingelberti qui fieri et firmare rogavit S Arlei S Isengaudi S Otardi Data per manum Rothardi III idus novembris anno XX Chounradi regis