Charter Document - 02151004
| Charter Number: | 02151004 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0956 |
| Date type: | Internal, A.D., Regnal |
| Resource Link(s): |
CCE: cartae cluniacenses electronicae |
Charter:
Si quis ex facultatibus rerum suarum quippiam dare disposuerit sanctuario Dei et eisdem qui in eodem Christo Domino serviunt sub optentu adipiscendi eternam beatitudinem prius ei necesse est facere conscriptionem jure testamentario et sic deinde manumissionis sue munimine eam corroborare [ut] cum omni stabilitate id quod subiciendum est sine alicujus contradictione in subjecto deinceps fine tenus maneat Sub quo tenore ego Aiglaldus et uxor mea Alda statuimus testamentum sanctuario Dei et ad nomen sanctorum apostolorum Petri videlicet et Pauli et omnium illorum quorum reliquie Cluniaco habentur et in quorum veneratione locus ille olim jam consecratus esse constat de reditibus juris nostri que adjacent comitatui Matisconensi in agro cui vocabulum est Fargias hoc est vineam unam indominicatum que terminationem accipit ab uno latere terram Sancti Petri a secundo guttam currentem a tertio latere viam publicam a quarto terram Hermenaldi Eldoardum quoque cum uxore sua vocabulo Eldeardam et cum omnibus infantibus illorum et curtilium ubi manere videntur cum supraposito simili modo donamus Ipse quoque curtilus accipit terminationem a duabus partibus viam publicam a tertia terram Maynerii a quarta parte accipit terminationem terram Sancti Petri Addimus etiam insuper huic testamento et alteram vineam simili modo que habet vocabulum ad Desertum prius a suis possessoribus hunc accipiens vocabulum Has res denominatas eo tenore damus sanctuario ut nobis viventibus liceat utere usu fructuario ita tamen ut festivitate beati Petri in censu persolvamus omnibus annis vite nostre quatuor denarios ea tamen condicione ut si quis nostrum prior hoc seculum finierit moriens medietas partis illius possessionis in dominationem transeat sanctuarii et eorundem qui in sanctuario deserviunt Attamen si quis calumpniam inferre aliquam molitus fuerit huic donationi nostre a liminibus sanctorum extraneus habeatur et nisi resipuerit ipsorum et omnium apostolorum offensionem incurrat insuper etiam cogente judiciali censura tres auri libras volens nolensque componat Hec vero donatio a nobis libenti animo facta stabilis et inconcussa permaneat stipulatione adnexa Signum Aiglaldi qui hujusce modi conscriptionem jussit fieri insuper etiam firmari rogavit Signum Alde uxoris ejusdem que manumissionis sue adhibuit soliditatem et confirmationem Signum Vuarangaudi Signum Teotberti Signum Gausberti Anno Dominice incarnationis DCCCCLVI anno autem secundo imperii Lotarii regis extante indictione xv prima olimpiadis Hec descriptio facta a Rodulfo levita est imminente jam novissima ebdomada octobrii mensis