Charter Document - 02151001
| Charter Number: | 02151001 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0956 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
Dum unusquisque in hac vita consistit summopere studere debet ne in examen justi judicis sine qualibet reparationis satisfactione veniens ab hac luce discedat Igitur nos in Dei nomine Ansbertus et Celestus fratres et uxor ejus Rotildis placuit nobis in hoc consensu unaque voluntate dare aliquid de rebus nostris Deo et sanctis apostolis ejus Petro et Paulo in monasterio Cluniensi ubi domnus Hemardus abbas preesse videtur tam pronobis ipsis quam etiam pro nostris parentibus et pro omnibus christianis videlicet et pro nostra in eodem loco sepultura et ut filius ejus Wilelmus ibidem ad sepeliendum recipiatur Sunt namque ipse res sitæ in pago Matisconense in agro Saviniaco in villa Vallis Est scilicet et mansus indominicatus cum vinea et terris pratis silvis pascuis aquis aquarumque decursibus molendinis exitibus et regressibus quesitum et ad inquirendum et quantumcumque ibi visi sumus habere vel ad predictum alodum pertinere videtur per diversa loca et villis excepto una vineola et campo insimul tenente in villa Nogerolio quam mihi ego jam dictus Cælestus reservo et excepto illas petiolas quas Maingaudo et Arnoldo dedimus totum et ad integrum Deo et sanctis apostolis ejus sicut superius insertum est a die presenti tradimus donamus atque transfundimus ita ut ab hac die rectores predicti monasterii habeant licentiam exinde quicquid melius elegerint faciendi Si quis vero si nos ipsi aut ullus ex heredibus nostris hanc donationis auctoritatem infringere temptaverit in primis iram Dei et beatorum Petri ac Pauli offensionem incurrat et deinceps auri libras X judiciali potestate cui litem intulerit reddere cogatur et hæc carta inconvulsa permanens repetitio ejus nullum effectum optineat stipulatione subnexa manibus propriis firmavimus et ad roborandum tradidimus Actum monasterio Cluniaco publice S Ansberti atque Celesti fratris ejusdem qui hanc donationis cartam fieri et firmare rogaverunt S Willelmi filii ejus et Arsendis neptis ipsius qui in omnibus consenserunt S Drugiso qui ex ore sua consensit S Teuza qui consensit S Rotberti S Itgerii S Vulfradi S Ainonis S Bernardi S Duranni S Raculfi S Maingaudi S Richardi S Rigberti S Apgerio sacerdoti S Soavo S Eldeber S Teoerio S Freco S Rainaldi S Arnaldi S Elmaro S Secbaldi Rodulphus levita et monachus rogatus ad vicem cancellarii scripsit atque subscripsit tertia die mensis junii quod est tertio nonas ejusdem suprascripti mensis anno secundo incipiente ex quo cœpit Lotharius rex filius Ludovici