Charter Document - 02150999
| Charter Number: | 02150999 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0956 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Divina gratia miserante statutum est de more ut ex rebus mundialibus eterna possint promereri premia Quapropter nos in Dei nomine Rotbertus atque Emena donamus Deo et sanctis ejus apostolis Petro et Paulo et monachis Cluniensibus nostrum allodium qui est situs in comitatu Augustudunense in vicaria Fracti Putei in loco qui vocatur in Monticulo cum omnibus appendiciis suis campis pratis silvis aquis pascuis quesitum et ad inquirendum eo tenore ut usu fructuario teneamus et post nostrum discessum habeant in omnibus seniores Cluniacenses liberam potestatem faciendi quicquid voluerint Similiter et in Volofonte donamus vineam unam que adjacet comitatui Matisconensi in vicaria de Buferias que terminat a mane terra Rotberti et alterius Rotberti a medio die via publica a sero terra Sancti Petri simili modo ea ratione ut usu fructuario teneamus dum vivimus vineam etiam quam de Dominico conquesivimus Si quis autem ad hec calumpniam aliquam nisus fuerit infligere contradictorem habeat sibi Deum omnipotentem et sanctos ejus apostolos cogente vero judiciali censura cui litem intulerit auri libram unam coactus persolvat et hec conscriptio a nobis libenti animo facta stabilis et inconcussa omni tempore permaneat astipulatione subjuncta Actum Cluniaco monasterio Signum Rotberti atque Emene uxoris ejusdem qui hanc donationem fieri et firmare rogaverunt Signum Leotbaldi presbiteri Girbaldi Armanni Girberti Mannonis Ansalardi Anselmi Mainardi Data in mense maio ebdomada prima ejusdem mensis anno imperii Lotharii regis filii Ludovici regis secundo prima Olimpiadis Eo tempore Rodulfus quidam scripsit