Charter Document - 02150995
| Charter Number: | 02150995 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0956 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
In Christi nomine Ego Ato dono Deo et sanctis apostolis ejus Petro et Paulo et monachis Cluniacensibus pro remedio animæ meæ et omnium parentum meorum vel omnium fidelium defunctorum res meas quæ sunt sitæ in pago Augustidunensæ in agro Marcilliacensæ hoc est curtilum indominicatum cum omnibus pertinentiis suis in villa Terciaco ubi Adalbertus manet Ea ratione tamen dono ut dum vivo usufructuario teneam et possideam omnibus annis solvendo quatuor denarios in censu Post meum discessum cum omnibus rebus et pertinentiis suis res supra denominatæ revertantur ad jam dictum locum sine alicujus contradictione Si quis autem huic donationis calumniaverit aut contradixerit a liminibus sanctorum omnium habeatur extraneus cogente autem juditiali censura quinque auri libras coactus exsolvat et post hæc non liceat sibi vindicare quod repetit hæc autem donatio a me libentissime facta stabilis et inconvulsa permaneat cum stipulatione subnixa Actum Cluniaco monasterio S Atonis qui hanc donationis cartam fieri et firmare rogavit S Heldini fratris ejusdem S Franconis et Rainulfi levitæ et Emardi et Petri et Waldrici et Leuzonis Geraldi et Gerardi Data mense aprili feria V tertiæ ebdomadis ejusdem Rodulfus levita ad vicem cancellariorum rogatus scripsit anno secundo in[ci]piente ex quo regnare cepit Lotharius filius Ludovici regis