Charter Document - 02150993
| Charter Number: | 02150993 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0956 |
| Date type: | Internal, A.D., Regnal |
| Resource Link(s): |
CCE: cartae cluniacenses electronicae |
Charter:
Omnipotentis Dei propitiante clementi bonitate lege antiquitus tenetur ut ex rebus perituris et deciduis premium sibi eterne beatitudinis acquirant indeficiens Iccirco ego Letaldus et uxor mea Rotlindis recogitantes diem tremendi examinis pertimescendo donamus Deo et sanctis apostolis ejus Petro videlicet et Paulo monachis etiam Cluniacensibus sub ipsorum patrocinio et tuitione Deo militantibus mansum indominicatum in villa vocabulo Clericorum in comitatu Augustidunense situm cum universis rebus et pertinentiis suis cum servo nomine Martino et uxore sua Benigna etiam et molendinum cum campis silvis aquis aquarumque decursibus vir careis quesitum et ad inquirendum Similiter quoque et [in] alia villa cui est vocabulum Vernolio tribuimus Cluniaco monasterio curtilium indominicatum qui adjacet in ipso supramemorato comitatu qui terminat de duabus partibus via publica de tercio fronte pratum in quarto latere fons manat Hec omnia pro remedio animarum nostrarum et omnium parentum nostrorum sive fidelium omnium christianorum eo tenore sub conscriptione testamenti Deo et sanctis apostolis ejus et monachis ejusdem loci damus ut dum vivimus usu fructuario possideamus omnibus annis in censu persolvendo in festivitate beati Petri vi denarios Hec autem donatio a nobis libentissime facta stabilis et inconvulsa permaneat stipulatione adnexa Si quis vero ad hec aliquam inferre temptaverit calumpniam deleatur memoria ejus et nomen ejus de terra viventium insuper quoque extraneus habeatur a liminibus sanctorum omnium cogente una judiciali potestate pro hoc facto cui litem intulerit auri libram coactus exsolvat et deinceps non sibi valeat vindicare illud sed omnimodis ut supradictum est corroborata et stabilis perseveret Actum Cluniaco monasterio Signum Letaldi et uxoris ejusdem nomine Rotlindis qui hanc donationem fieri et firmare rogaverunt Signum Fulconis levite Signum Geraldi Signum Gerardi Signum Constantini Signum Landaldi Signum Tetardi Signum Ebrardi Data in mense aprili mensis ejusdem tercie ebdomadis apud Cluniacum monasterium a Rodulfo levita anno Dominice incarnationis DCCCCLVI indictione xiii anno autem imperii Lotharii regis filii Ludovici regis secundo Fiunt autem nunc usque anni ab origine mundi quatuor milia DCCCCVIIII