Charter Document - 02150987
| Charter Number: | 02150987 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0955 - 0985 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Dominus ac salvator noster per evangelium suum nos docuit dicens Date elemosinam et ecce omnia munda sunt vobis Idcirco ego Girfredus levita dono ad locum Cluniacum aliquid de rebus meis que sunt site in pago Cabilonense in villa Canloco in agro Fabriacensi hoc est medietatem ecclesie que est in ipsa villa cum omnibus suis appenditiis campis vineis pratis silvis viridariis aquis aquarumque decursibus cultum et incultum quesitum et inquirendum Dono et mansum unum in eadem villa et servos his nominibus Leotardum et Durannum et unum molendinum in ipsa villa terminat mansus a mane terra Hildeburgis a medio die via publica a sero terra Girmundi et heredum ejus a cercio de ipsa hereditate Dono et campum in ipsa villa qui terminat a mane terra Sancti Leodegarii a medio die et a sero via publica a cercio terra Hymberti Hec omnia dono ad locum Cluniacum ut quamdiu vixero teneam et possideam ego Girfredus et post meum discessum de una medietate Girmundus et Gauserannus abeant usum et fructum et post illorum obitum ad Cluniacum perveniat S Girfredi qui fieri et firmare rogavit S Bernardi S Gauseranni S Girmundi S Evrardi S Stephani S Gausberti S Rotberti Actum Cluniaci mense septembri regnante Lothario rege Aldebaldus ad vicem cancellarii recognovit