Charter Document - 02150976

Ego Leotaldus comes Matisconensis considerans multitudinem peccatorum meorum quæ in hac miserabili vita vivendo contraxi simulque tremendi judicis examen expavescens qui peccata hominum nequaquam impunita dimittit decrevi cum consilio uxoris meæ et obtimatum meorum de possessione mea quæ mihi a Deo concessa est aliquid donare pro salute animæ meæ et filii mei Alberici matrisque meæ Etolanæ omniumque antecessorum meorum eidem omnipotenti Deo et Cluniacensi cenobio quod est consecratum in honore beatorum apostolorum Petri et Pauli cui domnus abbas Aimardus preesse pariter ac prodesse videtur mansum scilicet de Macionetio quod situm est in agro Fusciacensi juxta fluvium Sagone cum tota sibi adjacente terra culta et inculta silvis pratis piscariis aquis molendinis et cum uno servo nomine Gunterio filiisque ejus ac filiabus et omnibus inantea adquirendis Terminatur autem hæc terra ab oriente fluvio Sagonæ ab austro terra Sanctæ Mariæ et in reclavo rivo currente nomine MetVesa ab occidente terra de Capella et de ipso Macionedo usque ad terminum publicum ab aquilone terra Francorum Si quis itaque hanc meæ devocionis helemosinam [quod absit] ausus fuerit contradicere seu invadere vel calumpniari divini anathematis excommunicatione feriatur nisi cito culpam suam recognoscendo penituerit et insuper pro perpera quam ingessit libram auri componat ac deinceps ab injusta invasione quiescat Actum publice apud Matisconum Signum Leotaldi comitis et uxoris ejus Richeldæ S Alberici filii eorum qui hoc donum laudando firmaverunt et scribi jusserunt S Sigaldi S Wichardi S Rocleni Data per manum Berardi VIII idus mai regnante Lothario Francorum rege