Charter Document - 02150945
| Charter Number: | 02150945 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0954 - 0994 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Dei summi Pontius omnium servorum Christi infimus divina adtestante Scriptura novimus quod de rebus temporalibus si bene dispensentur sempiterne justitie comparetur Quod bene mente pertractans audiensque euvangelici tonitrua dogmatis clamantia Date elemosinam et ecce omnia munda sunt vobis et quod prudens pater prudenti filio intulit dicens Helemosina a morte liberat et non permittit hominem ire in tenebras et nonnulla alia que series tantorum conclamat virorum Deum ac redemptorem eum glorificans qui michi corpus et animam gratuita pietate concessit et me nonnullis subsidiis humane paupertatis constipavit mecum dignum fore censui si pro anime mee remedio cenobio Cluniensi quod est constructum in pago Matisconensi in veneratione Petri et Pauli sub regimine domni et reverentissimi Maioli abbatis et ideo terrenam hereditatem jam dictis apostolis tribuo ut ipsi mihi veniam peccatorum suis orationibus impetrent apud Deum et in die exitus mei ab hoc seculo a potestate Satane eripiant Hec autem hereditas quam predicto cenobio Cluniensi dono est sita in comitatu Trecassino In primis villa unam que dicitur Aquidanis totam ad integrum exceptis duobus mansis in uno manso habitat Gunterius in alio Ermenerius Dono etiam aliam villam que dicitur Fraxinus cum omnibus appendiciis suis Dono etiam villam tertiam que dicitur Mons Meanus cum omnibus appendiciis suis campis pascuis pratis silvis farinariis aquis aquarumque decursibus vircareis exitibus et regressibus quesitum et ad inquirendum totum ad integrum Faciantque rectores Sancti Petri ab hodierna die quicquid voluerint Si quis autem contra hanc donationem litem vel calumpniam intulerit nisi cito ad emendationem venerit omni maledictioni subjaceat sitque pars ejus cum his qui dixerunt Domino Recede a nobis cum Juda etiam traditore Domini in infernum mergatur cogente vero judicaria potestate auri libras viginti exsolvat et hec donatio firma et stabilis permaneat stipulatione subnixa Actum Cluniaco publice Signum Pontii qui donavit et firmari rogavit