Charter Document - 02140879
| Charter Number: | 02140879 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 0954 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Placuit atque convenit inter domnum Emardum abbatem Cluniensis cenobii una cum consensu fratrum et cuidam viro nomine Sigiberto cum uxore sua Landrada ut res eorum inter se commutare deberent quod ita fecerunt Dedit predictus abbas Eimardus Sigiberto in pago Matisconense in agro Marciacense in villa Maxiliacum curtilium qui terminat a mane fluvio Grauna a medio die prati Constantini a sero terre sancti Vincentii a cercio sancti Johannis Econtra dedit Sigibertus in ipso pago in villa Flatgiaco [vineam] qui habet in longum perticas xvii in latus ii et pedes viii terminat a mane et a medio die terra et vinea Evrardi a sero Dadonis a cercio vinee Aiani cum heredibus suis et in ipsa villa tradidit in longum perticas xlviiii in latus iiii et pedes v terminat a mane terre sancti Johannis a medio die sancti Quintini a sero Evrardi a cercio sancti Simphoriani Infra terminationes unusquisque liberam habeat potestatem faciendi quicquid voluerint Si quis vero si nos aut ullus homo hanc scamnum calumniare voluerit cui litem intulerit auri libram coactus exsolvat et hec carta firma et stabilis permaneat Actum Lordono Signum Teutbranni Signum Vendrani Signum Archenfridi Signum Ansigisi Signum Bertuini Signum Acardi Signum Berengarii Data mense aprili anno xviii regnante Ludvico rege