Charter Document - 02140867
| Charter Number: | 02140867 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0953 - 0954 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Divinis legibus sanctitum antiquitus tenetur ut ex rebus sibi a Deo prestitis eterna possit merces adquiri Quamobrem ego Alexander et uxor mea Ramegia tremendi judicii diem pertimescentes donamus Deo et sanctis apostolis ejus Petro videlicet et Paulo et monachis Cluniensibus ex rebus nostre proprietatis ut eosdem suprascriptos apostolos adjutores habeamus in die egressionis animarum nostrarum de hoc seculo vel in die qua judicandus est mundus hoc est campus unus qui est situs in pago Matisconense in villa Cavaniaco qui terminat ab uno fronte terra Girberti ab alio terra sancti Petri ab altero fronte terra ipsius Alexandri de ipsa hereditate ab alio terra Blismodi infra istas terminationes totum ad integrum dono Deo et sanctis ejus jam dictis pro remedio animarum nostrarum et omnium parentum nostrorum seu omnium fidelium christianorum vivorum et defunctorum omnium et pro eo maxime quod me dignatus est Dominus et sancti apostoli ejus Petrus videlicet et Paulus eripere de manibus paganorum ut faciant a presenti die et deinceps rectores loci quicquid eis visum fuit Si quis autem calumniare hanc nostre donationis cartam voluerit non vindicet quod repetit sed cogente judiciaria potestate auri libras iii coactus exolvat Actum Cluniaco monasterio Signum Alexandro Signum Remigia qui pro voluntate donacione ista fierent et firmare rogaverunt Signum Dominico Signum A[c]hart Signum Censorino Signum Bertranni Signum Orsnato Ego Deodatus rogatus scripsit datavit die jovis in mense junio annos xviii regnante Lodovic rege