Charter Document - 02140828
| Charter Number: | 02140828 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0952 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
Divina pietate sanccitum est ut ex rebus transitoriis eternam possimus adipisci patriam Quapropter nos manumissores Landrici Bernardus pater et Letuidis mater ejus et Odila amita ejus donamus aliquid ex rebus juris nostri Deo et sancte Marie et beatis apostolis ejus Petro videlicet et Paulo et venerabili loco Cluniaco curtilum cum supraposito et vinea qui terminat et a sero vie publice a medio die terre sancte Marie et vinee sancti Vincencii a cercio vinee sancti Petri et prato Bernardi Has res denominatas donamus Deo et jam dictis apostolis ejus pro anima Landrici filii nostri et anima patris et matris fratrumque nostrorum et omnium propinquorum seu omnium fidelium christianorum Sunt autem ipse res site in pago Matisconense in villa Sasciaco Si quis hanc donationem calumniare presumpserit vel litem inferre temptaverit a consortio omnium fidelium christianorum extraneus habeatur et nisi res[i]puerit predictos apostolos habeat contradictores regni celestis secundum vero mundialem legem his quibus calumniam intulerit auri libras V cogente judiciaria potestate exsolvat Hec vero carta donationis a nobis libenti animo facta et corroborata semper stabilis et inconcussa permaneat cum stipulatione subnixa S Maingaldi S Teutbaldi S Emardi S Gundulfi S Bernoardi S Sivualdi S Ansaldi S Bernardi Datum VIII idus novembris Ego Rodulfus levita ad vicem cancellarii scripsi et subscripsi anno XV regnante Ludovico rege indictione X Actum publice in cenobio Cluniaco