Charter Document - 02140800
| Charter Number: | 02140800 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0951 |
| Date type: | Internal, Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Sacrosancte ecclesie sancti Petri et sancti Pauli apostolorum que est fundata in pago Matisconensi in fine Rofiacense in villa Cluniaco quam domnus Emardus abbas a regendum habere videtur Ego igitur Bernardus cogitavi casum humane fragilitatis ut pius et misericors Dominus animam meam eripere dignetur a penis inferni pro ipso amore dono ad ipsam casam Dei aliqua ex rebus meis in pago Matisconense in agro Marciacensi in villa Varingo hoc est pratum et campum terminat a mane rivo currente a sero terra Johanni a medio via publica ex alia parte terra sancti Petri In alio loco in ipsa villa Varingo dono campum V perticas de latum X vero de longo de uno fronte terra Sisfredi a medio terra sancti Petri a sero terra Johanni de alia parte terra Gencin Dono etiam et alium campum et pratum in eadem villa qui habent simul quadraginta VI perticas de longo de lato IIas terminat a mane terra Martini a sero terra Johanni et Achardi a cercio de eadem hereditate a medio terra sancti Petri et Martini Dono in alio loco unam petiolam de prato terminat de duas partes terra Hornati de alias duas sancti Petri In alio loco in ipsa villa Varingo dono unum pratum de una parte terra Martini de alia parte terra Achardi a medio via publica ex alia parte terra Ornati In alio loco dono etiam unam petiolam de campo terminat de uno lato vinea Johanni de alia parte de eadem hereditate et de duas partes terra sancti Petri Ipsas res dono ad ipsam casam Dei in usus fratrum et faciant rectores ejusdem ecclesie post hac die quitquit voluerint Si quis vero donationem istam contradixerit auri libram unam componat et inantea donatio ista omni tempore firma et stabilis permaneat cum stipulatione subnixa Actum Cluniaco monasterio publice Signum Bernardi presbiteri qui hanc cartam fieri et firmare rogavit S Ermenaldi S Aytardi S Anastasi S Rotberti S item Rotberti S Dominico S Leodeberti Ego Rotardus levita scripsi in mense febroario die martis anno XV regnante Luduvico rege